រដ្ឋបាលខេត្តព្រះសីហនុ

ព្រឹកថ្ងៃទី៩ ខែសីហា ឆ្នាំ២០២៤ កិច្ចប្រជុំពិភាក្សាកម្រិតបច្ចេកទេសលើការរៀបចំយុទ្ធនាការ«ទីក្រុងសុវត្ថិភាព» ក្រោមអធិបតីភាព ឯកឧត្តម ពេជ្រ សម្បត្តិ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ដោយមានការចូលរួមពីក្រសួង ស្ថាប័នពាក់ព័ន្ធ រដ្ឋបាលខេត្ត និងប្រធានមន្ទីរអង្គភាពជំនាញជុំវិញខេត្ត។

ព្រឹកថ្ងៃទី៩ ខែសីហា ឆ្នាំ២០២៤ ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញប្រារព្ធពិធីបួងសួងសុំសេចក្តីសុខ សេចក្តីចម្រើន នៅរូបសំណាកនាគកងកេង ព្រះថោងនាងនាគ បដិមាព្រះឧមាមហេសូ ខ្មែរធ្វើបាន ស្ថិតនៅស្រុកព្រៃនប់ និងរង្វង់តោពីរ រូបសំណាកព្រះស្កន្ទគង់លើក្ងោក សីហរាជមុខបី ស្ថិតនៅក្រុងព្រះសីហនុ។

នៅថ្ងៃទី៨ ខែសីហា ឆ្នាំ២០២៤នេះ ក្រុមការងារជម្រុញវិនិយោគខេត្តព្រះសីហនុ បានចុះត្រួតពិនិត្យទីតាំងគម្រោងវិនិយោគស្នើសុំការលើកទឹកចិត្តពីរាជរដ្ឋាភិបាលកម្ពុជា ដែលមានទីតាំងស្ថិតនៅភូមិសាស្ត្រស្រុកស្ទឹងហាវ ស្រុកព្រៃនប់ និងក្រុងព្រះសីហនុ។

រសៀលថ្ងៃទី០៨ ខែសីហា ឆ្នាំ២០២៤ លោក សាមុត សុធារិទ្ធ អភិបាលរងខេត្តព្រះសីហនុ អញ្ជើញដឹកនាំកិច្ចប្រជុំពង្រឹងការគ្រប់គ្រងតំបន់សក្តានុពលទេសចរណ៍ ជម្រុញការទាក់ទាញវិនិយោគ និងការអភិវឌ្ឍន៍ផលិតផលទេសចរណ៍ថ្មីក្នុងខេត្តព្រះសីហនុ ដោយមានការចូលរួមពីលោកអភិបាលរងក្រុង ស្រុក និងប្រធានមន្ទីរអង្គភាពពាក់ព័ន្ធ។