រដ្ឋបាលខេត្តព្រះសីហនុ

សូមបងប្អូនប្រជាពលរដ្ឋដែលជាម្ចាស់លំនៅដ្ឋាន​ ម្ចាស់ទីតាំងអាជីវកម្ម-សេវាកម្មនៅក្រុងព្រះសីហនុ​ សូមរៀបចំដាក់ទង់ជាតិព្រះរាជាណាចក្រកម្ពុជា​ ឱ្យបានសមរម្យ​នៅពីខាងមុខទីតាំងរបស់បងប្អូន​ឱ្យបានគ្រប់ៗគ្នា និងរៀបចំលំនៅដ្ឋាន​-អាជីវកម្មបងប្អូនឱ្យបានស្អាតជាប្រចាំ​ ដោយតុបតែងលម្អភ្លេីងពណ៌​ ដាំផ្កា ឬសម្ភារៈផ្សេងៗ​ ឱ្យបានសមរម្យ​ ជាពិសេសត្រូវសម្អាតអនាម័យបរិស្ថានឱ្យបានស្អាតជានិច្ច​ ដេីម្បីត្រៀមធ្វេីជាម្ចាស់ផ្ទះនៅក្នុងពិធីបុណ្យសមុទ្រលេីកទី៩​ ជុំទី៣​ ឆ្នាំ២០២២​ និងមហាសន្និបាតក្លឹបឆ្នេរសមុទ្រ​ដែលស្អាតជាងគេ​ ព្រមទាំងព្រឹត្តិការណ៍ផ្សេងៗ​ នាចុងឆ្នាំនេះ។

ព្រឹកថ្ងៃទី២១ ខែវិច្ឆិកា ឆ្នាំ២០២២ លោក អ៉ី សុខឡេង អភិបាលរងខេត្តព្រះសីហនុ ដឹកនាំកិច្ចប្រជុំត្រួតពិនិត្យលើរបៀបវារៈ ១.ផ្សព្វផ្សាយសេចក្តីសម្រេចលេខ០៥៥/២២ សសរ ចុះថ្ងៃទី៣១ ខែតុលា ឆ្នាំ២០២២ ស្តីពីការបង្កើតក្រុមការងារគ្រង់គ្រងត្រួតពិនិត្យហេដ្ឋារចនាសម្ព័ន្ធផ្លូវថ្នល់ ២.របាយការណ៍វិឌ្ឍនភាព នៃការត្រួតពិនិត្យសណ្តាប់ធ្នាប់ អនាម័យបរិស្ថាន និងការចុះពិនិត្យបទល្មើសដែលធ្វើឱ្យខូចខាតទ្រូងផ្លូវ ខឿនផ្លូវ ការ៉ូឡា

កាលពីវេលាម៉ោង០៥និង៣០នាទីទាបភ្លឺថ្ងៃទី១៨ ខែវិច្ឆិកា ឆ្នាំ២០២២ កម្លាំងល្បាតកងរាជអាវុធខេត្តព្រះសីហនុ បានទទួលព័ត៌មានពីប្រជាពលរដ្ឋ ករណីលួចកាត់ខ្សែភ្លើងក្នុងអគារមួយកន្លែង នៅចំណុច ភូមិ២ សង្កាត់លេខ៤ ក្រុងព្រះសីហនុ ខេត្តព្រះសីហនុ បានចុះទៅទីតាំងខាងលើ ក្នុងនោះបានឃាត់ខ្លួនជនសង្ស័យ ចំនួន០១នាក់ ឈ្មោះ ភូ សុផា ភេទប្រុស អាយុ៣០ឆ្នាំ ជនជាតិខ្មែរ មុខរបរមិនពិតប្រាកដ យកមកសាកសួរនៅបញ្ជាការដ្ឋានកងរាជអាវុធហត្ថខេត្ត។

ព្រឹកថ្ងៃទី២០ ខែវិច្ឆិកា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញទទួលអំណោយពីលោក ងន សាំង អគ្គនាយកក្រុមហ៊ុន អ អឹម អេ (ខេមបូឌា) ម.ក ដែលបានឧបត្ថម្ភធុងសំរាមជាលើកទី២ ចំនួន ២០០ធុងទៀត សរុបចំនួន ៤០០ធុង ជូនរដ្ឋបាលខេត្តព្រះសីហនុ សម្រាប់ប្រើប្រាស់ក្នុងការងារថែរក្សាអនាម័យ បរិស្ថានស្អាតក្នុងទីក្រុងព្រះសីហនុ ខេត្តព្រះសីហនុ។

ថ្នាក់ដឹកនាំ មន្ត្រីរាជការនៃមន្ទីរវប្បធម៌ និងវិចិត្រសិល្បៈខេត្ត សិល្បៈករ សិល្បៈការិនី សូម​គោរពថ្លែងអំណរអរគុណចំពោះ ឯកឧត្តម គួច ចំរើន អភិបាល​ នៃគណៈអភិបាលខេត្តព្រះសីហនុ​ និងលោកជំទាវ ដែលបានឧបត្ថម្ភថវិកា ចំនួន ៥០០០ ដុល្លាអាមេរិក ដល់ក្រុមសិល្បៈមហាជនបក្សីចាំក្រុង ដើម្បីទិញ សម្លៀកបំពាក់ សម្រាប់ពាក់សម្តែងសិល្បៈក្នុងកម្មពិធីផ្សេងៗ និងលើកស្ទួយវិស័យសិល្បៈវប្បធ៌មជាតិ​។