រដ្ឋបាលខេត្តព្រះសីហនុ

នៅព្រឹកថ្ងៃទី២៨ ខែមិថុនា ឆ្នាំ២០២៤ ឯកឧត្តម គួច ចំរើន ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ អញ្ជើញទទួលអំណោយមនុស្សធម៌ពីសប្បុរសជន ដើម្បីចូលរួមអបអរសាទរខួបលើកទី១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ឧសភា ២០២៤ ក្រោមប្រធានបទ “រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ” ។

តាងនាមរដ្ឋបាលខេត្តព្រះសីហនុ សូមសម្តែងការអបអរសាទរ​ និងកោតសសើរចំពោះ និស្សិតអាហារូបករណ៍រដ្ឋបាលខេត្តព្រះសីហនុចំនួន ០២រូប ឈ្មោះ ភួង សុផាត់ និង ទិត ឧត្តមមុន្នីវត្តី បានបញ្ចាប់ការសិក្សាថ្នាក់បរិញ្ញាបត្រជំនាញវេជ្ជសាស្រ្ត ជាស្ថាពរ នៅសាកលវិទ្យាល័យ Guangxi Medical ក្នុងទីក្រុងណាននីង នៃសាធារណរដ្ឋប្រជាមានិតចិន និងបានទទួលវិញ្ញាបនបត្រកាលនៅពីថ្ងៃទី២៦ ខែមិថុនា ឆ្នាំ២០២៤​។

នារសៀលថ្ងៃទី២៦ នារសៀលថ្ងៃទី២៦ ខែមិថុនា ឆ្នាំ២០២៤ ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀន និងឯកឧត្តម គួច ចំរើន អភិបាល នៃគណៈអភិបាលខេត្ត និងជាប្រធានគណៈកម្មាធិការត្រួតពិនិត្យគ្រឿងញៀនខេត្តព្រះសីហនុ បានអញ្ជើញជាអធិបតីក្នុងពិធីទិវាអន្តរជាតិប្រយុទ្ធប្រឆាំងគ្រឿងញៀន ក្រោមប្រធានបទ «រួមគ្នាវិនិយោគលើការបង្ការទប់ស្កាត់ និងលើកកម្ពស់ការអប់រំ ដើម្បីសហគមន៍គ្មានគ្រឿងញៀន»។

រសៀលថ្ងៃទី២៥ ខែមិថុនា ឆ្នាំ២០២៤ លោក ម៉ាង ស៊ីណេតអភិបាលរងខេត្តព្រះសីហនុ បានអញ្ជើញសួរសុខទុក្ខលោក ហែម ឡាន់ ចៅសង្កាត់រងទី១ សង្កាត់កោះរ៉ុង កំពុងសម្រាកព្យាបាល នៅមន្ទីរពេទ្យបង្អែកខេត្តព្រះសីហនុ ស្ថិតក្នុងសង្កាត់លេខ៤ ក្រុងព្រះសីហនុ។ ក្នុងឱកាសនោះលោក ម៉ាង ស៊ីណេត អភិបាលរងខេត្ត ក៏បាននាំយកអំណោយរបស់ឯកឧត្តម គួច ចំរើន អភិបាល នៃគណៈ