រដ្ឋបាលខេត្តព្រះសីហនុ

ព្រឹកថ្ងៃអង្គារ ៣កើត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី៣ ខែឧសភា ឆ្នាំ២០២៣ លោក ជាវ វិជ្ជាក់ អភិបាលរងខេត្តព្រះសីហនុ អនុញ្ញាតឱ្យប្រតិភូអគ្គនាយកដ្ឋានពន្ធនាគារ ដឹកនាំដោយលោកឧត្តមសេនីយឯក លឹម សុខា អគ្គានុរក្សថ្នាក់លេខ១ អគ្គនាយករងពន្ធនាគារ និងប្រតិភូក្រសួងសុខាភិបាលចូលជួបពិភាក្សាការងារនៅសាលាខេត្តព្រះសីហនុ។

នៅព្រឹក​ថ្ងៃទី​៣​ ខែឧសភា​ ឆ្នាំ​២០២២​ ឯកឧត្តម​ គួច​ ចំរើន​ អភិបាល នៃគណៈអភិបាលខេត្តព្រះសីហនុ​ និងលោកជំទាវ​ បានអញ្ជេីញ​សំណេះសំណាល និងលេីកទឹកចិត្តដល់ក្រុមកីឡាករបាល់ទាត់​កុមារ​ មកពីសាលា​បឋមសិក្សា​ ហ៊ុន​ សែន​ កំពង់​សីលា ក្រោមអាយុ១២ឆ្នាំ​ របស់ខេត្តព្រះសីហនុ​ ដើម្បីចូលរួមប្រកួតកីឡាបឋមសិក្សា​ជ្រេីសរេីសជេីងឯក​ថ្នាក់ជាតិប្រចាំ​ឆ្នាំ២០២២​ របស់​ក្រសួងអប់រំ​ យុវជន​ និង​កីឡា​។

នៅព្រឹក​ថ្ងៃទី៣ ខែឧសភា ឆ្នាំ២០២២ ឯកឧត្ដម​ គួច​ ចំរើន​ អភិបាល​ នៃគណៈអភិបាលខេត្តព្រះសីហនុ​ អញ្ជេីញចូលរួម​កម្មវិធី​សំណេះសំណាល និងផ្តល់រង្វាន់លើកទឹកចិត្តដល់សិស្សប្រលងជាប់និទ្ទេស A ក្នុងការប្រលងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២០-២០២១ សរុបចំនួន ១,៧៥៣នាក់ ក្រោមអធិបតីភាពដ៏ខ្ពង់ខ្ពស់​ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

ព្រឹកថ្ងៃទី២ ខែឧសភា ឆ្នាំ២០២២ ឯកឧត្តម គួច ចំរើន អភិបាល បានអញ្ជើញចុះពិនិត្យវឌ្ឍនភាពការអនុវត្តគម្រោងអភិវឌ្ឍន៍ខេត្តព្រះសីហនុ ឆ្នាំ២០២២ នៅក្នុងភូមិសាស្ត្រសង្កាត់លេខ៤ និងសង្កាត់លេខ៣ ក្រុងព្រះសីហនុ។ គោលដៅសំខាន់ៗដែលបានចុះពិនិត្យរួមមាន៖

រសៀលថ្ងៃព្រហស្បតិ៍ ១២រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី២៨ ខែមេសា ឆ្នាំ២០២២ លោក គង់ វិតាណៈ អភិបាលរងខេត្តព្រះសីហនុ និងជាប្រធានក្រុមការងារទីក្រុងឆ្លាតវៃក្រុងព្រះសីហនុ លោក Razeb chowdhury ទីប្រឹក្សាគោលនយោបាយ នៃកម្មវិធីស្រ៊ីអាយ (3i) ដឹកនាំកិច្ចប្រជុំពិភាក្សាលើសេចក្តីព្រាងរបាយការណ៍ស្ថាបត្យកម្មបច្ចេកទេស និងក្របខណ្ឌអន្តរប្រតិបត្តិការទីក្រុងឆ្លាតវៃ ដោយមានការចូលរួមពីលោក លោកស្រី ប្រធានមន្ទីរអង្គភាពពាក់ព័ន្ធក្នុងខេត្ត ស្ថិតក្នុងសណ្ឋាគារឯករាជ្យ សង្កាត់លេខ៣ ក្រុងព្រះសីហនុ ខេត្តព្រះសីហនុ។