រដ្ឋបាលខេត្តព្រះសីហនុ

នារសៀលថ្ងៃទី០៣ ខែមករា ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងឯកឧត្តម សុខ គាង រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានអញ្ជើញដឹកនាំក្រុមការងារចុះពិនិត្យវឌ្ឍនភាពការអនុវត្តការងារសាងសង់ពហុកីឡាដ្ឋានខេត្តព្រះសីហនុមានទីតាំងស្ថិតនៅភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ។

នៅរសៀលថ្ងៃទី០៣ ខែមករា ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញសួរសុខទុក្ខលោកគ្រូ ចាន់ ត្រដែត នាយករងវិទ្យាល័យចំណេះទូទៅ និងបច្ចេកទេសក្រុងព្រះសីហនុ ដែលកំពុងសម្រាកព្យាបាលជំងឺនៅគេហដ្ឋានស្ថិតក្នុងសង្កាត់លេខ៣ ក្រុងព្រះសីហនុ។

នៅព្រឹកថ្ងៃទី០៣ ខែមករា ឆ្នាំ២០២៥ លោក សាមុត សុធារិទ្ធ អភិបាលរងខេត្តព្រះសីហនុ បានដឹកនាំកិច្ចប្រជុំពិភាក្សាស្តីពីការជួសជុលអគារសិក្សានៅវិទ្យាល័យ ហ៊ុន សែន មិត្តភាព ដោយមានការចូលរួមលោកស្រីប្រធានមន្ទីរអប់រំ យុវជន និងកិឡាខេត្ត លោកនាយក នាយករងវិទ្យាល័យ និងលោក លោកស្រីគណៈគ្រប់គ្រងវិទ្យាល័យ។

ក្នុងឱកាសប្រកបដោយ សិរីមង្គល វិបុលសុខ បវរមហាប្រសេីរ ឆ្នាំថ្មី ឆ្នាំសកល២០២៥ ដែលប្រជាពលរដ្ឋគ្រប់រូបកំពុងរស់នៅក្នុងភាពសុខុដុមរមនា និងទទួលបានផ្លែផ្លាពី សុខសន្តិភាព ក្នុងនាមរដ្ឋបាលខេត្តព្រះសីហនុ សូមគោរពជូនពរ ដល់បងប្អូនជនរួមជាតិខ្មែរ ទាំងក្នុង និងក្រៅប្រទេស ជាពិសេសបងប្អូនប្រជាពលរដ្ឋក្នុងខេត្តព្រះសីហនុ សូមមានសុខភាពល្អ បរិបូរណ៍ ជន្មាយុ យឺនយូរ ជួបតែសំណាងល្អ សុភមង្គល និងទទួលបានជោគជ័យគ្រប់ភារកិច្ច។ ដោយសេចក្ដីគោរព ស្រឡាញ់រាប់អានដ៏ជ្រាលជ្រៅពីរដ្ឋបាលខេត្តព្រះសីហនុ