រដ្ឋបាលខេត្តព្រះសីហនុ

នៅព្រឹកថ្ងៃទី១៥ ខែវិច្ឆិកា ឆ្នាំ២០២៣ លោក ម៉ាង ស៊ីណេត អភិបាលខេត្តស្តីទី បានអញ្ជើញជាអធិបតីក្នុងពិធីសន្និសិទសហគ្រិនភាពកម្ពុជា២០២៣ ក្រោមប្រធានបទ“ការកសាងប្រព័ន្ធអេកូឡូស៊ីសហគ្រិនភាពដែលមានភាពធន់ និងប្រកបដោយបរិយាបន្ន”ហើយពិធីនេះបានរៀបចំធ្វើឡើងនៅសណ្ឋាគារឆ្នេរថ្មីក្រុងព្រះសីហនុ។

ព្រឹកថ្ងៃទី១៥ ខែវិច្ឆិកា​ ឆ្នាំ​២០២៣ ឯកឧត្តម​ គួច​ ចំរេីន​ អភិបាល​ នៃគណៈអភិបាលខេត្តព្រះសីហនុ​ បានចូលរួមធ្វេីបាឋកថាបេីក​ សន្និសិទតុមូល​ ស្តីពីកិច្ចសហប្រតិបត្តិការ​ និងការផ្លាស់ប្តូររវាងទីក្រុងតាមបណ្តោយផ្លូវ​ រថភ្លេីងល្បឿនលឿន​ ចិន-អឺរ៉ុប​ (អាសុី) ស្ថិតនៅទីក្រុងណានជីង ខេត្តជាំងស៊ូ សាធារណរដ្ឋប្រជាមានិតចិន។

រសៀលថ្ងៃទី១៤ ខែវិច្ឆិកា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំប្រតិភូខេត្តព្រះសីហនុ ចូលជួបសម្តែងការគួរសម និងពិភាក្សាការងារជាមួយឯកឧត្តម ស៊ី ឃុនលីន អភិបាលខេត្តជាំងស៊ូ។ ឯកឧត្តម ស៊ី ឃុនលីន អភិបាលខេត្តជាំងស៊ូ បានថ្លែងការស្វាគមន៍ដ៏កក់ក្តៅចំពោះឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងគណៈប្រតិភូខេត្តព្រះសីហនុទាំងអស់ ដែលអញ្ជើញមកបំពេញទស្សនកិច្ចនៅខេត្ត ជាំង ស៊ូ នាពេលនេះ។

សេចក្តីប្រកាសព័ត៌មាន ស្តីពីការចុះពិនិត្យអង្កេតស្រាវជ្រាវលើករណីទំនាស់ដីធ្លី ស្ថិតនៅចំណុចអូរដំរី ក្នុងភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ

នាព្រឹកថ្ងៃទី១៤ ខែវិច្ឆិកា ឆ្នាំ២០២៣ លោក មីន កុម្ភៈ អភិបាលរង នៃគណៈអភិបាលខេត្តព្រះសីហនុ តំណាង ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ បានចូលរួមប្រជុំពិភាក្សាស្តីពីការគ្រប់គ្រងតំបន់គ្រប់គ្រងធនធានជលផលសមុទ្រ ព្រែកកំពង់ស្មាច់ ដោយមានការចូលរួមពីលោក ស៊ុយ សេរីវឌ្ឍន៍ អគ្គនាយករងរដ្ឋបាលជលផល តំណាងអធិការដ្ឋានសមុទ្រ តំណាងមន្ទីរជំនាញខេត្ត​ និងតំណាអង្គការដៃគូ Landesa​,​ អង្គការ​ Fact, អង្គការ​ WEA ។