ពិធី បើកសម្ពោធដាក់ឲ្យប្រើប្រាស់ជាផ្លូវការខ្លោងទ្វារផ្លូវ៥០២ ក្នុងសង្កាត់លេខ៤ ឆ្នេរអូរឈើទាល

ខេត្តព្រះសីហនុ៖ កាលពីថ្ងៃទី១១ ខែមិថុនា ឆ្នាំ២០១៧ ឯកឧត្តម ជាម ហ៊ីម ប្រធានក្រុមប្រឹក្សាខេត្តព្រះសីហនុ លោក ឈិន សេងងួន អភិបាលខេត្តស្តីទី បានអញ្ជើញជាអធិបតីភាពចូលរួមក្នុងពិធី បើកសម្ពោធដាក់ឲ្យប្រើប្រាស់ ជាផ្លូវការខ្លោងទ្វារផ្លូវ៥០២  ក្នុងសង្កាត់លេខ៤ ឆ្នេរអូរឈើទាល ក្រោមអធិបតីភាព ឯកឧត្តម ព្រុំ សុខា រដ្ឋលេខាធិការក្រសួងមហាផ្ទៃ តំណាងដ៏ខ្ពស់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

នាឱកាសនោះឯកឧត្តម ព្រុំ សុខា រដ្ឋលេខាធិការក្រសួងមហាផ្ទៃបានមានប្រសាសន៏កោតសរសើរចំពោះការខិតខំប្រឹងប្រែងពីសំណាក់ថ្នាក់ដឹកនាំខេត្តនិងមន្រ្តីគ្រប់លំដាប់ថ្នាក់ ដែលធ្វើអោយមានការអភិវឌ្ឍន៏ស្ទើគ្រប់វិស័យ ហើយខេត្តព្រះសីហនុក៏ជាខេត្តមួយដែលមានវិស័យសេដ្ឋកិច្ចរីកចំរើនយ៉ាងលូតលាស់ផងដែរ។TR