ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញជាគណៈអធិបតី នៃការប្រកួតកីឡាបាល់ទាត់មិត្តភាពរវាងកីឡាករនគរបាលជាតិ និងក្រុមកីឡាករបឹងកេត

ការប្រកួតកីឡាបាល់ទាត់រវាងក្រុមក្លឹបនគរបាលជាតិ តំណាងឱ្យខេត្តព្រះសីហនុ ជាមួយក្រុមកីឡាករក្លឹបបឹងកេត ចប់ការប្រកួតក្លឹបកីឡាបាល់ទាត់បឹងកេតឈ្នះក្រុមកីឡាករនគរបាលជាតិ ៣ទល់នឹង១។

ឯកឧត្តម គួច ចំរើន អភិបាលខេត្តព្រះសីហនុ បានស្វាគមន៍កីឡាករទាំងពីរក្រុម ដែលបានចូលរួមការប្រកួតកីឡាមិត្តភាព ហើយការលេងកីឡាវាមានចាញ់ និងឈ្នះ ដែលជាសក្ខីភាពឆ្លុះបញ្ចាំងពីកម្លាំងកាយ ប្រាជ្ញាស្មារតី ទេពកោសល្យ បទពិសោធន៍ រួមសាមគ្គីជាធ្លុងមួយសម្រាប់ក្រុមនីមួយៗ ការលេងកីឡានាំមកនូវសន្តិភាព មិត្តភាព សាមគ្គីភាពធ្វើឱ្យកម្លាំងកាយរបស់យើងរឹងមាំ បង្កើនបាននូវមិត្តភាពថែមទៀតផង ម្យ៉ាងទៀតការលេងកីឡាគឺអាចចៀសផុតពីការសេពគ្រឿងញៀន។

ក្នុងឱកាសនោះឯកឧត្តម អភិបាលខេត្ត ក៏បានឧបត្ថម្ភថវិកាជូនក្រុមកីឡាទាំងពីរក្រុម ក្នុងមួយក្រុមថវិកា ៥លានរៀល ដោយឡែកក្រុមការងារបច្ចេកទេសរៀបចំការប្រកួតទទួលបានថវិកា ២លានរៀលផងដែរ។