ព័ត៌មានទូទៅ

នារសៀលថ្ងៃទី០៣ ខែកុម្ភៈ ឆ្នាំ២០២៤ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងឯកឧត្តម គួច ចំរើន ប្រធានគណៈកម្មាធិការសាខា និងជាអភិ បាល នៃគណៈអភិបាលខេត្តព្រះសីហនុ អញ្ជើញចូលរួមបោះជំរំលើកទី១ រយៈពេល ៣ថ្ងៃ ចាប់ពីថ្ងៃទី២ ដល់ថ្ងៃទី៤ ខែកុម្ភៈ ឆ្នាំ២០២៤ នៅឆ្នេរថ្មបីដុំ ស្ថិតនៅឃុំបិតត្រាំង ស្រុកព្រៃនប់ ខេត្តព្រះសីហនុ ដោយមានការចូលរួមពីយុវជនកាកបាទក្រហមកម្ពុជា មកពីខេត្តកំពត កែប កោះកុង កំពង់ស្ពី សៀមរាប ស្ទឹងត្រែង និងខេត្តព្រះសីហនុ សរុបចំនួន ២៤០នាក់។

នារសៀលថ្ងៃទី៣ ខែកុម្ភៈ ឆ្នាំ២០២៤ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា អញ្ជើញសម្ពោធសួនសុវត្ថិភាពចរាចរណ៍ទី២ និងទី៣ នៅវិទ្យាល័យ ហ៊ុន សែន វាលរេញ និងវិទ្យាល័យ ហ៊ុន សែន ព្រៃនប់ ដោយមានការចូលរួមពីលោកស្រី ហៀក ហ៊ីមុល្លី អភិបាលរងខេត្តព្រះសីហនុ លោកអភិបាល ស្រុកព្រៃនប់ ប្រតិភូមកពីបណ្តាខេត្ត អាជ្ញាធរស្រុក លោកគ្រូ អ្នកគ្រូ និងសិក្សានុសិស្សវិទ្យាល័យវាលរេញ។

រសៀលថ្ងៃទី៣ ខែកុម្ភៈ ឆ្នាំ២០២៤ លោក សរ កក្កដា អភិបាលក្រុងព្រះសីហនុ ដឹកនាំកិច្ចប្រជុំស្តីពីការរៀបចំសណ្តាប់ធ្នាប់សាធារណៈក្នុងក្រុងព្រះសីហនុ ដោយមានការចូលរួមពីអាជ្ញាធរសង្កាត់ និងបងប្អូនជាអ្នកលក់ដូរចល័តនៅបរិវេណទីលានសម្តេចតេជោ ក្រុងព្រះសីហនុ។ លោក សរ កក្កដា អភិបាលក្រុងព្រះសីហនុ មានប្រសាសន៍បើកកិច្ចប្រជុំដោយផ្តោតលើការពិភាក្សាជាមួយបងប្អូនជាអ្នកលក់ដូរចល័តនៅក្នុងបរិវេណ

នៅយប់ ថ្ងៃទី២ ខែកុម្ភៈ ឆ្នាំ២០២៤ គណៈបញ្ជាការឯកភាពក្រុងស្រុក បានដាក់គោលដៅត្រួតពិនិត្យអាវុធជាតិផ្ទុះ ជាតិអាល់កុល និងសារធាតុញៀន ចំនួន៩គោលដៅ ក្នុងភូមិសាស្ត្រសំខាន់ៗ នៃខេត្តព្រះសីហនុ ដើម្បីធានាសន្តិសុខ និងសណ្តាប់ធ្នាប់សាធារណៈ។ សូមបងប្អូនប្រជាពលរដ្ឋ ភ្ញៀវទេសចរជាតិ និងអន្តរជាតិ ជាអ្នកធ្វើដំណើរនាពេលរាត្រី ចូលរួមសហការ និងគោរពច្បាប់ នៃព្រះរាជាណាចក្រកម្ពុជា ឱ្យបានខ្ជាប់ខ្ជួន។

នៅព្រឹកថ្ងៃទី២ ខែកុម្ភៈ ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងឯកឧត្តម កែវ ឡាយ សមាជិកក្រុមប្រឹក្សាខេត្ត អញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី តាមប្រព័ន្ធវិដេអូ Conference ក្រោមអធិបតីភាពដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ កិច្ចប្រជុំមានរបៀបវារៈមួយចំនួនដូចខាងក្រោម ៖

នៅព្រឹកថ្ងៃទី១ ខែកុម្ភៈ ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញសម្ពោធដាក់ឱ្យដំណើរការអគារស៊ីកាងវ័នតា និងផ្សារទំនើបដារុនហ្វា ដែលមានទីតាំងស្ថិតនៅសង្កាត់លេខ៤ ក្រុងព្រះសីហនុ ដោយមានការចូលរួមពីលោកអភិបាលរងខេត្ត អភិបាលក្រុងព្រះសីហនុ ប្រធានមន្ទីរ អង្គភាព ភ្ញៀវជាតិ និងអន្តរជាតិយ៉ាងច្រើនកុះករ។

សូមស្កេន QR Code ខាងក្រោមនេះ ដើម្បីទាញយកឯកសារពាក់ព័ន្ធនឹងកម្មវិធីពិសេសជំរុញវិនិយោគក្នុងខេត្តព្រះសីហនុ ឆ្នាំ២០២៤។ តំណភ្ជាប់ឯកសារ៖ http://tinyurl.com/3xzzfapw

នារសៀលថ្ងៃទី៣១ ខែមករា ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញដង្ហែរព្រះពុទ្ធរូបធ្វើពីស្ពាន់យកមកតម្កល់លើបល្ល័ង ស្ថិតនៅវត្តគីរីជលសារកោះរ៉ុង ភូមិព្រែកស្វាយ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ ដោយមានការនិមន្តចូលរួមពីព្រះសង្ឃ ឯកឧត្តមអ្នកតំណាងរាស្ត្រមណ្ឌលខេត្តព្រះសីហនុ លោកអភិបាលរងខេត្ត លោកអភិបាលក្រុងកោះរ៉ុង ប្រធានមន្ទីរ អង្គភាព កងកម្លាំងប្រដាប់អាវុធ និងពុទ្ធបរិស័ទសង្កាត់កោះរ៉ុង ក្រុងកោះរ៉ុង។

កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ២០២៤ ដែលរាជរដ្ឋាភិបាល បានប្រកាសដាក់ឱ្យប្រើប្រាស់ជាផ្លូវការនាពេលនេះ នឹងផ្តល់នូវអត្ថប្រយោជន៍ពិសេសចំនួន៣ ជូនទៅអ្នកវិនិយោគ ដើម្បីគាំទ្រ និងជំរុញលើកទឹកចិត្តបន្ថែម ដល់ការទាក់ទាញការវិនិយោគ និងការអភិវឌ្ឍឧស្សាហកម្ម នៅក្នុងខេត្តព្រះសីហនុ រួមមាន៖ ទី១.គម្រោងវិនិយោគពាក់ព័ន្ធនឹងអគារជាប់គាំង ទី២. គម្រោងវិនិយោគដែលមិនជាប់ពាក់ព័ន្ធនឹងអគារជាប់គាំង និង ទី៣. ការពង្រីកគម្រោងវិនិយោគ និងធុរកិច្ច

ព្រឹកថ្ងៃទី២៩​ ខែមករា​ ឆ្នាំ២០២៤​ លោក​ ឯម​ ភាព​ អភិបាលរងខេត្ត​ព្រះសីហនុ លោក​ យុន​ លីនណេ​ អភិបាលរងខេត្ត​សៀមរាប​ ​​​ និងលោក​ សុខ​ វណ្ណា​ ប្រធានកម្មវិធី​ UN-Habitat បានធ្វេីជាសហប្រធានអង្គសិក្ខាសាលាបណ្តុះបណ្តាល​ ស្តីពី​ “ទស្សនកិច្ចសិក្សាស្វែងយល់ពីការអភិវឌ្ឍទីក្រុងឆ្លាតទីក្រុងសៀមរាប​ និងគំនិតផ្តួចផ្តេីមក្នុងការរៀបចំយុទ្ធសាស្ត្រអភិវឌ្ឍទីក្រុងឆ្លាតខេត្តព្រះសីហនុ​ ពីថ្ងៃទី២៩-៣០​ ខែមករា​ ឆ្នាំ២០២៤​ដោយមានការអញ្ជេីញចូលរួមពីលោកអភិបាលក្រុងព្រះសីហនុ​ លោក-លោកស្រីប្រធានមន្ទីរ​ ពាក់ព័ន្ធ​ និងមន្ត្រីរាជការ នៃរដ្ឋបាលខេត្តព្រះសីហនុ រួមទាំងលោក-លោកស្រីជាថ្នាក់