ព័ត៌មានទូទៅ

នារសៀលថ្ងៃទី២៨ ខែវិច្ឆិកា ឆ្នាំ២០២៤ លោក សាមុត សុធារិទ្ធ អភិបាលរងខេត្តព្រះសីហនុ និងឯកឧត្តម ទៀ ស្យាម អនុប្រធានសហព័ន្ធកីឡាយានយន្តកម្ពុជា អញ្ជើញបើកព្រឹត្តិការណ៍ប្រណាំងរថយន្តឆ្លងឧបសគ្គ OFF ROAD ខេត្តព្រះសីហនុ ឆ្នាំ២០២៤ នៅវេទិការបុណ្យជាតិ ៧មករា ស្ថិតនៅសង្កាត់លេខ៣ ក្រុងព្រះសីហនុ។

ព្រឹកថ្ងៃទី២៨ ខែវិច្ឆិកា ឆ្នាំ២០២៤ លោកស្រី ម៉ាក សំណាង អភិបាលរងខេត្តព្រះសីហនុ បានអញ្ជើញជាអធិបតីបើកវគ្គតម្រង់ទិសស្តីពី “ការគ្រប់គ្រងរដ្ឋបាលក្រុង ស្រុក តាមបែបវិមជ្ឈការ និងវិសហមជ្ឈការសម្រាប់ក្រុមប្រឹក្សាក្រុង ស្រុក ទើបជាប់ឆ្នោតថ្មី អាណត្តិទី៤” នៅសាលប្រជុំសាលាក្រុងព្រះសីហនុ។

រសៀលថ្ងៃទី២៧ ខែវិច្ឆិកា ឆ្នាំ២០២៤ លោកស្រី ម៉ាក់ សំណាង អភិបាលរងខេត្ត តំណាងឯកឧត្តម អភិបាលខេត្តព្រះសីហនុ បានអញ្ជើញសំណេះសំណាល និងសួរសុខទុក្ខលោកស្រី ម៉ៅ វ៉ាន់នីដា មន្ត្រីជាប់កិច្ចសន្យា ការិយាល័យផែនការ នៃទីចាត់ការផែនការ និងវិនិយោគសាលាខេត្ត ដែលកំពុងសម្រាកលំហែមាតុភាព។

ព្រឹកថ្ងៃទី២៧ ខែវិច្ឆិកា ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញចូលរួមពិធីសម្ពោធដាក់ឱ្យប្រើប្រាស់ជាផ្លូវការប្រព័ន្ធគ្រប់គ្រងគម្រោងវិនិយោគកម្ពុជា (ប្រព័ន្ធ cdcIPM) ក្រោមអធិបតីភាព ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក.អ.ក.។

ព្រឹកថ្ងៃទី២៦ ខែវិច្ឆិកា ឆ្នាំ២០២៤ លោក សុខ ភា អភិបាលរងខេត្តព្រះសីហនុ បានទទួលជំនួបសម្តែងការគួរសមជាមួយគណៈប្រតិភូចិន ដឹកនាំដោយលោក XU WENQIANG (ស៊ី វិនលាំង) អភិបាលរងទីក្រុងសួយនីង នៃសាធារណរដ្ឋប្រជាមានិតចិន។

ព្រឹកថ្ងៃទី២៦ ខែវិច្ឆិកា ឆ្នាំ២០២៤ ឯកឧត្តម កែវ ឡាយ សមាជិកក្រុមប្រឹក្សាខេត្ត និងលោក មីន កុម្ភៈ អភិបាលរងខេត្តព្រះសីហនុ បានអញ្ជើញជាអធិបតីសិក្ខាសាលាសមាហរណកម្មកម្មវិធីវិនិយោគបីឆ្នាំរំកិល(២០២៥-២០២៧)របស់ស្រុក ឃុំ នៅក្នុងស្រុកស្ទឹងហាវ ខេត្តព្រះសីហនុ។

រសៀលថ្ងៃទី២៥ ខែវិច្ឆិកា ឆ្នាំ២០២៤ លោក សាមុត សុធារិទ្ធ អភិបាលរងខេត្តព្រះសីហនុ បានដឹកនាំកិច្ចប្រជុំពិភាក្សា បូកសរុបលទ្ធផលការងារចុះផ្សព្វផ្សាយ និងរៀបចំផែនការរួមដើម្បីរៀបចំសណ្តាប់ធ្នាប់ចរាចរណ៍ផ្លូវគោក តាមបណ្តោយផ្លូវជាតិលេខ៤ ចាប់ពីចំណុចមុខសាលាបឋមសិក្សា និងអនុវិទ្យាល័យឃ្លាំងលើ ស្ថិតនៅសង្កាត់លេខ១ រហូតមកដល់មុខកំពង់ផែស្វយ័តក្រុងព្រះសីហនុ និងផ្លូវលេខ៧០០ មុខភោជនីយដ្ឋានឆ្នេរថ្មី ស្ថិតនៅសង្កាត់លេខ៣ ក្រុងព្រះសីហនុ ខេត្តព្រះសីហនុ។