លោក ហែម ដារិទ្ធិ និងលោក នៃ គង់ បានដឹកនាំមន្ទីរអង្គភាពជំនាញពាក់ព័ន្ធចុះពិនិត្យស្ថានភាពការលក់ដូរមុខទំនិញ ម្ហូបអាហារ របស់អាជីវករផ្សារលើ និងបងប្អូនអាជីវករនៅតាមបណ្ដោយឆ្នេរសមុទ្រ

នារសៀលថ្ងៃទី៣០ ខែធ្នូ ឆ្នាំ២០២៤ លោក ហែម ដារិទ្ធិ អភិបាលរងខេត្ត និងលោក នៃ គង់ អភិបាលរងខេត្តព្រះសីហនុ បានដឹកនាំមន្ទីរអង្គភាពជំនាញពាក់ព័ន្ធចុះពិនិត្យស្ថានភាពការលក់ដូរមុខទំនិញ ម្ហូបអាហារ របស់អាជីវករផ្សារលើ និងបងប្អូនអាជីវករនៅតាមបណ្ដោយឆ្នេរសមុទ្រ ដើម្បីពង្រឹងគុណភាព អនាម័យ សុវត្ថិភាពចំណីអាហារ និងតម្លៃកុំឱ្យឡើងថ្ងៃ ក្នុងឱកាសនៃពិធីបុណ្យឆ្លងឆ្នាំសកលខាងមុខនេះ សូមកុំឱ្យមានការតម្លើងតម្លៃខ្ពស់ដែលធ្វើឱ្យប៉ះពាល់ដល់ភ្ញៀវទេសចរណ៍ជាតិអន្តរជាតិដែលមកលេងកម្សាន្តក្នុងឱកាសនៃពិធីបុណ្យឆ្លងឆ្នាំសកលនេះ។