ព័ត៌មានទូទៅ

ព្រឹកថ្ងៃអង្គារ ១៥កើត ខែជេស្ឋ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៤ ខែមិថុនា ឆ្នាំ២០២២ លោក ឯម ភាព នាយករដ្ឋបាលសាលាខេត្ត ដឹកនាំកិច្ចប្រជុំ ពិនិត្យ និងស្រង់ឈ្មោះ ជនងាយរងគ្រោះ និងជនក្រីក្រ ដែលមានទីលំនៅដាច់ស្រយាលមិនទាន់បានចាក់វ៉ាក់សាំងកូវីដ-១៩ និងដូសជំរុញ មកទទួលការចាក់វ៉ាក់សាំងកូវីដ-១៩” ដោយមានការចូលរួមពីលោកអភិបាលក្រុងស្រុក និងមន្ទីរជំនាញពាក់ព័ន្ធ។

ព្រឹកថ្ងៃអង្គារ ១៥កើត ខែជេស្ឋ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៤ ខែមិថុនា ឆ្នាំ២០២២ សាខាកាកបាទក្រហមកម្ពុជាខេត្តព្រះសីហនុ បើកវគ្គបណ្តុះបណ្តាល ស្តីពីការលើកកម្ពស់សុវត្ថិភាពចរាចរណ៍ និងបរិយាបន្នរយ:ពេលពីរថ្ងៃចាប់ពីថ្ងៃទី១៤ ដល់១៥ ខែមិថុនា ឆ្នាំ២០២២ នៅសាលាវិទ្យាល័យក្រុងព្រះសីហនុ ស្ថិតនៅសង្កាត់លេខ៣ ក្រុងព្រះសីហនុ ជូនយុវជនកាកបាទក្រហមកម្ពុជា មកពីសាលាគោលដៅ៣ មានអនុវិទ្យាល័យសម្តេចឪ

ព្រឹកថ្ងៃទី៩ ខែមិថុនា ឆ្នាំ២០២២ លោក ឡុង ឌីម៉ង់ អភិបាលរងខេត្តព្រះសីហនុ បានអញ្ជើញជាអធិបតីក្នុងពិធីបើកវគ្គបណ្តុះបណ្តាលរំលឹកឡើងវិញស្តីពីការអនុវត្តផែនការយុទ្ធសាស្រ្តគណនេយ្យភាពសង្គមដល់គ្រូបង្គោលគណនេយ្យភាពសង្គមក្រុងស្រុក ដោយមានការចូលរួមពីអភិបាលរងក្រុងស្រុក និងមន្ទីរអង្គភាពពាក់ព័ន្ធ។

ព្រឹកថ្ងៃពុធ ៩កើត ខែជេស្ឋ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី៨ ខែមិថុនា ឆ្នាំ២០២២ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិតំណាងដ៏ខ្ពង់ខ្ពស់សម្ដេចមហាសេនាបតីតេជោ ហ៊ុន សែន នាយករដ្ឋ មន្ត្រី នៃព្រះរាជាណាចក្រកម្ពុជា និងឯកឧត្តម វ៉ាង វិនធាន ឯកអគ្គរដ្ឋទូត នៃសាធារណៈរដ្ឋប្រជាមានិតចិនប្រចាំព្រះរាជាណាចក្រកម្ពុជា ដោយមានការចូលរួមពីឯកអគ្គរាជទូត ឯកអគ្គរដ្ឋទូត និងអនុព័ន្ធយោធាប្រចាំព្រះរាជាណាចក្រកម្ពុជា និងអភិបាលខេត្តជាប់សមុទ្រ។

រសៀលថ្ងៃទី៧ ខែមិថុនា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុបានអញ្ជើញជួបសំណេះសំណាលជាមួយសិស្សពូកែប្រចាំខេត្តព្រះសីហនុ ដែលត្រូវត្រៀមចូលរួមប្រឡងសិស្សពូកែថ្នាក់ជាតិ នៅខេត្តសៀមរាប នាថ្ងៃទី១៣ ដល់ថ្ងៃទី១៥ ខែមិថុនា ឆ្នាំ២០២២ ខាងមុខនេះ។

ព្រឹកថ្ងៃអាទិត្យទី៥ ខែមិថុនា ឆ្នាំ ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងលោកជំទាវ អញ្ជើញបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ នៅការិយាល័យលេខ០២៩៨ នៃសាលាបឋមសិក្សាឡាយហ្វ អានឆុង បិតត្រាំង ស្ថិតនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ។

នៅព្រឹកថ្ងៃទី២ ខែមិថុនា ឆ្នាំ២០២២ ឯកឧត្ដម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញចុញពិនិត្យការដ្ឋានការសាងសង់អាងប្រព្រឹត្តិកម្មទឹកកខ្វក់ទី៣ ស្ថិតនៅក្នុងសង្កាត់លេខ៤ ក្រុងព្រះសីហនុ។

នៅព្រឹកថ្ងៃទី២ ខែមិថុនា ឆ្នាំ២០២២ សកម្មភាពរបស់ ឯកឧត្ដម គួច ចំរើន អភិបាល នៃគណៈអភិបាលខេត្តព្រះសីហនុ បានដើរកាយសម្រាមតាមមាត់លូ ខណៈមេឃកំពុងភ្លៀងខ្លាំង ដើម្បីសម្រួលលំហូរទឹកភ្លៀង។ សូមបញ្ជាក់ថាសំរាមជាផ្នែកមួយដែលធ្វើឱ្យរាំងស្ទះដល់លំហូរទឹក និងអាចបណ្តាលឱ្យមានការជន់លិចនៅពេលដែលមានភ្លៀងធ្លាក់ម្តងៗ។ សូមបងប្អូនប្រជាពលរដ្ឋចូលរួមគ្រប់គ្រង និងទុកដាក់សំរាមឱ្យបានត្រឹមត្រូវ ដោយរួមគ្នាការពារបរិស្ថានរស់នៅរបស់យើងទាំងអស់គ្នា

នារសៀលថ្ងៃទី១ ខែមិថុនា ឆ្នាំ២០២២ អគារព្យាបាលជំងឺកូវីដ-១៩ក្នុងបរិវេណមន្ទីរពេទ្យបង្អែកខេត្តព្រះសីហនុ ត្រូវបានប្រកាសដាក់ឱ្យប្រើប្រាស់ជាបណ្តោះអាសន្ន បន្ទាប់ពីបានបញ្ចប់កាសាងសង់ក្រោមអធិបតីភាពឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ។

ព្រឹកថ្ងៃទី១ ខែមិថុនា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំមន្រ្តីជំនាញ ចុះពិនិត្យការដ្ឋានស្ថាបនាផ្លូវស្ថិតនៅក្នុងឃុំរាម និងឃុំបិតត្រាង ស្រុកព្រៃនប់ និងក្នុងសង្កាត់លេខ១ ក្រុងព្រះសីហនុ ខេត្តព្រះសីហនុ។