រដ្ឋបាលខេត្តព្រះសីហនុ

ព្រឹកថ្ងៃទី០២ ខែវិច្ឆិកា ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ អញ្ជើញដឹកនាំមន្ត្រី មន្ទីរជំនាញចុះពិនិត្យទីតាំងសាងសង់មណ្ឌលសុខភាព ស្ថិតនៅភូមិ៣ ឃុំអូរត្រេះ ស្រុកស្ទឹងហាវ ខេត្តព្រះសីហនុ។ ទីតាំងដែលសាងសង់មណ្ឌលសុខភាព ស្ថិតនៅភូមិ៣ ឃុំអូរត្រេះ ស្រុកស្ទឹងហាវ ខេត្តព្រះសីហនុ ជាការជួយឧបត្ថម្ភរបស់សប្បុរសជនជនជាតិអាមេរិក សាងសង់អគារមណ្ឌលសុខភាពមួយខ្នង មានទទឹង ៥ម៉ែត្រ និងបណ្តោយ ២០ម៉ែត្រ ស្មើនឹង ៥បន្ទប់។

[English Below] ក្រុមការងារជំរុញការវិនិយោគខេត្តព្រះសីហនុ បានរៀបចំវេទិកា «ជំរុញការវិនិយោគក្នុងខេត្តព្រះសីហនុ» ទី២ នៅទីក្រុងហុងកុង ប្រទេសចិន [ហុងកុង] ថ្ងៃទី០១ ខែវិច្ឆិកា ឆ្នាំ២០២៤ លោក ឡុង ឌីម៉ង់ អភិបាលរងខេត្ត បានអញ្ជើញជាវាគ្មិនក្នុង «វេទិកាទាក់ទាញវិនិយោគមកខេត្តព្រះសីហនុ» ដែលបានរៀបចំឡើងនៅទីក្រុងហុងកុង។ ក្នុងនាមជាអាជ្ញាធរមូលដ្ឋាន និងជាអភិបាលរងទទួលបន្ទុកកិច្ចការវិនិយោគក្នុងខេត្ត លោកអភិបាលរង បានលើកឡើងថា រដ្ឋបាលខេត្តបានត្រៀមលក្ខណៈសម្បត្តិរួចរាល់ ដើម្បីស្វាគមន៍ និងផ្តល់ការថែទាំវិនិយោគដោយមិនគិតទំហំ ឬសញ្ជាតិ។

រសៀលថ្ងៃទី០១ ខែវិច្ឆិកា ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ អញ្ជើញបើកវគ្គហ្វឹកហ្វឺនបំប៉ន ពង្រឹងសមត្ថភាពយោធាប្រចាំឆ្នាំ២០២៤ របស់តំបន់ប្រតិបត្តិការសឹករងព្រះសីហនុ នៅទីបញ្ជាការសឹករងព្រះសីហនុ ដោយមានការចូលរួមពីឯកឧត្តម មេបញ្ជាការរងយោធភូមិភាគទី៣ លោកអភិបាលរងក្រុង ប្រធានមន្ទីរ-អង្គភាព មេបញ្ជាការ មេបញ្ជាការរង ពលទាហាន និងកម្មសិក្សាការី។

ព្រឹកថ្ងៃទី០១ ខែវិច្ឆិកា ឆ្នាំ២០២៤ ឯកឧត្តម សុខ គាង រដ្ឋលេខាធិការក្រសួងដែនដីនគរូបនីយកម្ម និងសំណង់ និងឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ អញ្ជើញបើកបវេសនកាលឆ្នាំសិក្សា២០២៤-២០២៥ នៅសាលាវិទ្យាល័យ ហ៊ុន សែន មិត្តភាព ស្ថិតនៅសង្កាត់លេខ៤ ក្រុងព្រះសីហនុ ដោយមានការចូលរួមពីលោកជំទាវអនុរដ្ឋលេខាធិការក្រសួងអប់រំ លោកអភិបាលរងខេត្ត នាយករដ្ឋបាលសាលាខេត្ត លោកឧកញ៉ា លោកគ្រូ អ្នកគ្រូ សិស្សានុសិស្ស និងអាណាព្យាបាលសិស្សយ៉ាងច្រើនកុះករ។