រដ្ឋបាលខេត្តព្រះសីហនុ

នៅព្រឹកថ្ងៃទី១១ ខែមិថុនា ឆ្នាំ២០២៤ ពិធីប្រកាសចូលកាន់តំណែងក្រុមប្រឹក្សាខេត្តព្រះសីហនុ អាណត្តិទី៤ ក្រោមអធិបតីភាពដ៏ខ្ពង់ខ្ពស់ ឯកឧត្ដម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដីនគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហន ដោយមានការចូលរួមពីឯកឧត្ដម លោកជំទាវ ក្រុមការងាររាជរដ្ឋាភិបាលចុះ

ព្រឹកថ្ងៃទី១០ ខែមិថុនា ឆ្នាំ២០២៤ ក្រុមការងារចម្រុះខេត្ត ដឹកនាំដោយ លោក អ៊ី សុខឡេង អភិបាលរង នៃគណៈអភិបាលខេត្តព្រះសីហនុ បានចុះពិនិត្យទីតាំងសាងសង់អាងតន្ត្រីបាញ់ទឹក និងរបាំងការពាររលកសមុទ្រ របស់ក្រុមហ៊ុនយូណាន ជីងចេង ខូអិលធីឌី ដែលមានទីតាំងស្ថិតនៅតាមបណ្តោយឆ្នេរអូរត្រេះ ភូមិ៦ សង្កាត់លេខ៤ ក្រុងព្រះសីហនុ ខេត្តព្រះសីហនុ។

ចាប់ពីថ្ងៃទី៥-៨ ខែមិថុនា ឆ្នាំ២០២៤ គណៈប្រតិភូខេត្តព្រះសីហនុ ដឹកនាំដោយលោក ឡុង ឌីម៉ង់ អភិបាលរងនៃគណៈអភិបាលខេត្ត រួមជាមួយគណៈប្រតិភូខេត្តកំពត កែប និងខេត្តកោះកុង បានចូលរួមក្នុងដំណើរទស្សនកិច្ច CVTEC Cruise Farm Trip ជាមួយថ្នាក់ដឹកនាំថ្នាក់រដ្ឋបាលខេត្តតំបន់ឆ្នេរនៃច្រករបៀងសេដ្ឋកិច្ច កម្ពុជា-វៀតណាម -ថៃ ដែលរៀបចំដោយរដ្ឋបាលខេត្តត្រាត

ព្រឹកថ្ងៃទី៨ ខែមិថុនា ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្ត បានដឹកនាំមន្ត្រីជំនាញពាក់ព័ន្ធ ចុះត្រួតពិនិត្យទីតាំងស្នើសុំវិនិយោគរោងចក្រផលិតគ្រឿងបង្គុំសូឡា ស្ថិតនៅភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ។ សូមជម្រាបជូនថា រោងចក្រផលិតបន្ទះសូឡានេះ ជាគម្រោងមួយ ស្ថិតក្នុងចំណោមគម្រោងវិនិយោគទាំង៦៩គម្រោង ដែលបានស្នើសុំការលើកទឹកចិត្ត តាមរយៈក្រុមការងារជម្រុញវិនិយោគនៅខេត្តព្រះសីហនុ។

នាព្រឹកថ្ងៃទី៨ ខែមិថុនា ឆ្នាំ២០២៤ ឯកឧត្តមបណ្ឌិត សាន់តូ ដារម៉ូស៊ូម៉ារតូ អគ្គរដ្ឋទូតឥណ្ឌូនេស៊ីប្រចាំព្រះរាជាណាចក្រកម្ពុជា ឯកឧត្តមវេជ្ជបណ្ឌិត ពាស់ ម៉ូស្លីម អនុរដ្ឋលេខាធិការក្រសួងសុខាភិបាល និងលោក ម៉ាង ស៊ីណេត អភិបាលរងខេត្តព្រះសីហនុ អញ្ជើញ បើកកម្មវិធីអប់រំសុខភាពដែលរៀបចំដោយស្ថានទូតឥណ្ឌូនេស៊ីប្រចាំព្រះរាជាណាចក្រកម្ពុជា នៅសណ្ឋាគារ ព្រីនស៍ ថាម ស្ថិតនៅសង្កាត់លេខ៤ ក្រុងព្រះសីហនុ ដោយមានការចូលរួមពីប្រធានមន្ទីរ អង្គភាព ប្រធានសភាពាណិជ្ជ កម្មខេត្តព្រះសីហនុ ប្រជាពលរដ្ឋ