រដ្ឋបាលខេត្តព្រះសីហនុ

នៅព្រឹកថ្ងៃទី១៩ ខែមីនា ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងឯកឧត្តម អ៉ឹម សុខធី ប្រធានលេខាធិការដ្ឋានក្រុមការងារជំរុញការវិនិយោគក្នុងខេត្តព្រះសីហនុ អញ្ជើញដឹកនាំកិច្ចប្រជុំពិភាក្សាជាមួយក្រុមហ៊ុនវិនិយោគដែលទទួលបានការលើកទឹកចិត្តតាមរយៈ «កម្មវិធីពិសេសជំរុញការវិនិយោគក្នុងខេត្តព្រះសីហនុ» ឆ្នាំ២០២៤-២០២៥ ដោយមានការចូលរួមពីលោកអភិបាលរងខេត្ត អភិបាលក្រុង ស្រុក ប្រធានមន្ទីរ អង្គភាពពាក់ព័ន្ធ និងអ្នកវិនិយោគ សរុបចំនួន១២៩នាក់។

កាលពីថ្ងៃទី១៨ ខែមីនា ឆ្នាំ២០២៥ ឯកឧត្តម សី វរិន អនុរដ្ឋលេខាធិការក្រសួងមហាផ្ទៃ លោក ឯម ភាព អភិបាលរងខេត្តព្រះសីហនុ និងលោក សុខ វណ្ណា ប្រធានកម្មវិធី UN-Habitat ប្រចាំព្រះរាជាណាចក្រកម្ពុជា អញ្ជើញបើកសិក្សាផ្សព្វផ្សាយផែនការសកម្មភាពទីក្រុងឆ្លាតសម្រាប់ខេត្តព្រះសីហនុ (២០២៤-២០២៨) និងយន្តការទីក្រុងឆ្លាតអាស៊ាន រយៈពេលពីរថ្ងៃទី១៧-១៨ ខែមីនា ឆ្នាំ២០២៥ នៅសណ្ឋាគារឯករាជ្យ ក្រុងព្រះសីហនុ ត្រូវបានបិទបញ្ជប់ប្រកបដោយបរិយាកាសរីករាយ។

នារសៀលថ្ងៃទី១៨ ខែមីនា ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំមន្ទីរ អង្គភាពជំនាញ ចុះពិនិត្យនៅបន្ទប់ប្រចាំបញ្ជាតាមដានប្រព័ន្ធកាំម៉េរាសុវត្ថិភាព ដែលបំពាក់នៅតាមបណ្តោយផ្លូវក្នុងខេត្ត នៅស្នងការដ្ឋាននគរបាលខេត្ត ដើម្បីដោះស្រាយបញ្ហាប្រឈមផ្សេងៗ

នារសៀលថ្ងៃទី១៨ ខែមីនា ឆ្នាំ២០២៥ លោក សាមុត សុធារិទ្ធ អភិបាលរងខេត្តព្រះសីហនុ បានដឹកនាំកិច្ចប្រជុំពិភាក្សាស្ដីពីការរៀបចំសណ្ដាប់ធ្នាប់ឆ្នេរ របៀបរៀបរយនៅចំណតរថយន្ដ និងផ្នែកខាងក្រៅអាហារដ្ឋាននៅឆ្នេរអូរឈើទាល

ព្រឹកថ្ងៃទី១៨ ខែមីនា ឆ្នាំ២០២៥ ឯកឧត្តម កែវ ឡាយ សមាជិកក្រុមប្រឹក្សាខេត្ត និងលោក ឡុង ឌីម៉ង់ អភិបាលរងខេត្តព្រះសីហនុ បានចូលរួមកិច្ចប្រជុំវេទិការវាងរាជរដ្ឋាភិបាល និងរដ្ឋបាលថ្នាក់ក្រោមជាតិស្តីពី « កំណែទម្រង់វិមជ្ឈការ និងវិសហមជ្ឈការ ដើម្បីចូលរួមសម្រេចបានចក្ខុវិស័យកម្ពុជាឆ្នាំ២០៥០» តាមប្រព័ន្ធបញ្ជូនសម្លេង និងរូបភាពពីចម្ងាយ (ZOOM) ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា