រដ្ឋបាលខេត្តព្រះសីហនុ

នៅល្ងាច ថ្ងៃទី១០ ខែមេសា ឆ្នាំ២០២២ កម្មវិធី “សង្ក្រាន្តយុវជនវិទ្យាល័យខេត្តព្រះសីហនុ”បានប្រកាសបើក ក្រោមអធិបតីភាពឯកឧត្តម សុខ គាង រដ្ឋលេខាធិការក្រសួងបរិស្ថាន និងលោក ឡុង ឌីម៉ង់ អភិបាលរងខេត្តព្រះសីហនុ តំណាងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងវត្តមានភ្ញៀវកិត្តិយស សប្បុរសជន យុវជន និងសិស្សានុសិស្ស យ៉ាងច្រើនកុះករ ដែលប្រារព្ធធ្វើឡើងនៅឆ្នេរពយជំទាវម៉ៅ ស្ថិតនៅភូមិគគីរ ឃុំបិតត្រាង ស្រុកព្រៃនប់ ខេត្តព្រះសីហនុ។

ព្រឹកថ្ងៃចន្ទ ១០កើត ខែចេត្រ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១១ ខែមេសា ឆ្នាំ២០២២ លោក ឡុង ឌីម៉ង់ អភិបាលរងខេត្តព្រះសីហនុ ទទួលអំណោយមនុស្សធម៌ពីលោក អ៊ុល ដេតសុខុម CEO of DGB BANK PLC ឧបត្ថម្ភម៉ាស KF-94 ចំនួន ១០.០០០ ម៉ាស ជូនដល់រដ្ឋបាលខេត្តសម្រាប់ប្រើ ប្រាស់ក្នុងវិធានការប្រយុទ្ធប្រឆាំង ទប់ស្កាត់ និងគ្រប់គ្រងជំងឺកូវីដ-១៩ នៅខេត្តព្រះសីហនុ។

ព្រឹកថ្ងៃច័ន្ទ ១០កើត ខែចេត្រ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១១ ខែមេសា ឆ្នាំ២០២២ ឯកឧត្តម គួច ចំរើន ប្រធានគណៈកម្មាធិការសាខាកាកបាទក្រហមកម្ពុជាខេត្តព្រះសីហនុ ដឹកនាំកិច្ចប្រជុំគណៈកម្មាធិការសាខា ស្ដីពីការរៀបចំប្រារព្ធខួបលើកទី១៥៩ ទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ដោយមានការអញ្ជើញចូលរួមពីលោក លោកស្រីជាគណៈកម្មាធិកាសាខាក្រុង ស្រុក។

នៅវេលាម៉ោង ២២ និង០០នាទីយប់ថ្ងៃទី១០ ខែមេសា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងលោកជំទាវ បានអញ្ជើញសំណេះសំណាល ជាមួយកម្មករ និងក្រុមការងារជំនាញ ដែលកំពុងបំពេញការងារនៅរង្វង់ «មូលព្រះថោងនាងនាគ » ស្ថិតនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ។

នៅវេលាម៉ោង​ ២៣ និង៤៥នាទី​យប់ថ្ងៃ​ទី​៩​ ខែ​មេសា​ ឆ្នាំ​២០២២​ ឯកឧត្តម​ គួច​ ចំរើន​ អភិបាល​ នៃ​គណ:អភិបាល​ខេត្តព្រះសីហនុ​ និង​លោក​ជំទាវ​ បានអញ្ជេីញចូលរួមក្នុងពិធីចាក់ព្រះ​ (​សិតព្រះ​)​ រូបសំណាកព្រះថោងនាងនាគ តភ្ជាប់​គ្នាបានរួចរាល់​។