រដ្ឋបាលខេត្តព្រះសីហនុ

នៅថ្ងៃទី៣០ ខែកក្កដា ឆ្នាំ២០២៤ សាខាក.ប.ប ខេត្តព្រះសីហនុ ដោយមានការសហការជាមួយមន្ទីរពាណិជ្ជកម្មខេត្ត និងគណៈកម្មការផ្សារតារាសំណាង បានចុះត្រួតពិនិត្យទំនិញ និងផ្សព្វផ្សាយ Flyer ទាក់ទងនឹង សុវត្ថិភាពម្ហូបអាហារ និង CCF Complaint App ជូនដល់អាជីវករលក់ដូក្នុងផ្សារ និងអាហារដ្ឋាន បានចំនួន ៥០ផ្ទាំង។ ជាមួយគ្នានេះក្រុមការងារពុំបានរកឃើញទំនិញហួសសុពលភាពប្រើប្រាស់នោះទេ។

នារសៀលថ្ងៃទី២៩ ខែកក្កដា ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានទទួលជួបសម្តែងការគួរសម និងពិភាក្សាការងារជាមួយលោកជំទាវ ត្យូ ឡេឆេង Teo Lay Cheng ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋសឹង្ហបុរី ប្រចាំព្រះរាជាណាចក្រកម្ពុជា។ ឯកឧត្តម ម៉ាង ស៊ីណេត អភិបាលខេត្តព្រះសីហនុ បានជំរាបជូនពីការផ្សព្វផ្សាយប្រកាសដាក់ចេញនូវកម្មវិធីពិសេសជំរុញការវិនិយោគខេត្តព្រះសីហនុ

ព្រឹកថ្ងៃទី២៩ ខែកក្កដា ឆ្នាំ២០២៤ លោក សាមុត សុធារិទ្ធ អភិបាលរង នៃគណៈអភិបាលខេត្តព្រះសីហនុ បានអញ្ជើញចូលរួមក្នុងពិធីផ្សព្វផ្សាយស្តីពីការអនុវត្តរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់អ្នកក្នុងបន្ទុកសមាជិក ប.ស.ស. ជាមន្ត្រីសាធារណៈ និង កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារ ក្រីក្រ និងគ្រួសារងាយរងហានិភ័យ ដែលប្រារព្ធឡើងនៅវិទ្យាស្ថានពហុបច្ចេកទេសមិត្តភាពកម្ពុជា-ចិន ខេត្តព្រះសីហនុ ស្ថិតនៅក្នុងតំបន់ សេដ្ឋកិច្ចពិសេសក្រុងព្រះសីហនុ ក្នុងឃុំបិតត្រាំង ស្រុកព្រៃនប់។