រដ្ឋបាលខេត្តព្រះសីហនុ

រសៀលថ្ងៃសៅរ៍ ២កើត ខែកត្តិក ឆ្នាំឆ្លូវត្រីស័ក ព.ស ២៥៦៥ ត្រូវនឹងថ្ងៃទី៦ ខែវិច្ឆិកា ឆ្នាំ២០២១ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានដឹកនាំមន្ត្រីជំនាញអញ្ជើញចុះពិនិត្យការដ្ឋានទីលានតេជោ ស្ថិតនៅតាមបណ្តោយវិថីតេជោភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។ ក្នុងឱកាសនោះ ឯកឧត្តមអភិបាលខេត្ត បានណែនាំ និងជម្រុញដល់ក្រុមហ៊ុនទទួលការសាងសង់ ត្រូវពន្លឿនការងារសាងសង់ឱ្យបានលឿន និងត្រូវអនុវត្តតាមស្តង់ដារបច្ចេកទេស និងមានគុណភាពខ្ពស់។

រសៀលថ្ងៃសៅរ៍ ២កើត ខែកត្តិក ឆ្នាំឆ្លូវត្រីស័ក ព.ស ២៥៦៥ ត្រូវនឹងថ្ងៃទី៦ ខែវិច្ឆិកា ឆ្នាំ២០២១ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានដឹកនាំមន្ត្រីជំនាញពាក់ព័ន្ធអញ្ជើញចុះពិនិត្យការជួសជុល និងកែលម្អផ្លូវបេតុង០១ខ្សែ បំបែកចេញពីផ្លូវជាតិលេខ៤ ក្បែរចំណោទលោកយាយម៉ៅ ស្ថិតនៅភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ។

រសៀលថ្ងៃសៅរ៍ ២កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៦ ខែវិច្ឆិកា ឆ្នាំ២០២១ ឯកឧត្តម វ៉ូ ង៉ុកលី អគ្គកុងស៊ុលសាធារណរដ្ឋសង្គមនិយមវៀតណាម ប្រចាំខេត្តព្រះសីហនុ អញ្ជើញជូនពរឯកឧត្តមអភិបាល នៃគណៈអភិបាលខេត្តព្រះសីហនុ ក្នុងឱកាសរំលឹកខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ ព្រះរាជាណាចក្រកម្ពុជា(៩វិច្ឆិកា ១៩៥៣-៩វិច្ឆិកា ២០២១)។

ព្រឹកថ្ងៃសុក្រ ១កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៥ ខែវិច្ឆិកា ឆ្នាំ២០២១ ឯកឧត្តម ម៉ាង ស៊ីណេត អភិបាលរងខេត្តព្រះសីហនុ អញ្ជើញអបអរសាទរទិវាជាតិទីក្រុងស្អាតលើកទី៩ ក្រោមប្រធានបទ “ទម្លាប់ថ្មី ដើម្បីទីក្រុងស្អាត” ដោយមានការចូលរួមដោយមន្រ្តីរាជការ កងកម្លាំងប្រដាប់អាវុធ អាជីវករ និងក្រុមហ៊ុនប្រមូលសំរាម KSWM ប្រមាណជាង ២០០នាក់។

គណៈកម្មាធិការជាតិគ្រប់គ្រងគ្រោះ មហន្តរាយបើកវគ្គបណ្ដុះបណ្ដាលដល់អាជ្ញាធរថ្នាក់ខេត្ត ក្រុង ស្រុក អំពីរបៀបប្រើប្រាស់ឧបករណ៍បញ្ចូលទិន្នន័យនិងធ្វើបច្ចុប្បន្នភាពប្រព័ន្ធដំណឹងទាន់ហេតុការណ៍ពេលមាគ្រោះមហន្តរាយ។ ព្រឹកថ្ងៃព្រហស្បតិ៍ ១៤រោច ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៤ ខែវិច្ឆិកា ឆ្នាំ២០២១ ឯកឧត្តម ម៉ាង ស៊ីណេត អភិបាលរងខេត្តព្រះសីហនុ អញ្ជើញបើកវគ្គបណ្តុះបណ្តាល ស្តីពីការប្រើប្រាស់ឧបករណ៍បញ្ចូលទិន្នន័យថ្មី KOBO TOOL BOX និងបច្ចុប្បន្នភាព