រដ្ឋបាលខេត្តព្រះសីហនុ

ថ្ងៃទី​១៨ ខែកក្កដា ឆ្នាំ​២០២២ មន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានរៀបចំប្រជុំបូកសរុបលទ្ធផលការងារប្រចាំខែកក្កដា និងលើកទិសដៅអនុវត្តការងារប្រចាំខែសីហា ឆ្នាំ២០២២ ក្រោមអធិបតីភាពលោក គង់ វិតាណៈ អភិបាលរងខេត្តព្រះសីហនុ។

ថ្ងៃទី១៨ ខែកក្កដា ឆ្នាំ២០២២ ទីចាត់ការផែនការ និងវិនិយោគសាលាខេត្តព្រះសីហនុ បានចុះពិនិត្យនិងវាយតម្លៃការអនុវត្តគម្រោងមូលនិធិឃុំចំនួន២ នៅក្នុងស្រុកព្រៃនប់ មានដូចជាឃុំសំរុង និងឃុំអណ្តូងថ្ម ជាលទ្ធផលក្រុមហ៊ុនដែលបានទទួលការសាងសង់លើស៥០% នៃកិច្ចសន្យាគម្រោង។

លោក KURIBAYASHI Takanori លេខាទូតទី១ នៃស្ថានទូតជប៉ុន និងលោកស្រី KANETAKE Emiko ទីប្រឹក្សាក្រសួងដនស អញ្ជើញទស្សនកិច្ចហេដ្ឋារចនាសម្ព័ន្ធ និងស្ថានីយអាងប្រព្រឹត្តកម្មទឹកកខ្វក់នៅក្នុងក្រុងព្រះសីហនុរយៈពេលពីរថ្ងៃ ចាប់ពីថ្ងៃទី១៦ ដល់ថ្ងៃទី១៧ ខែកក្កដា ឆ្នាំ២០២២។ទស្សនកិច្ចនេះ ដើម្បីសិក្សាស្វែងយល់អំពីការអភិវឌ្ឍនៅក្នុងខេត្តព្រះសីហនុក៏ដូចជាការរៀបចំហេដ្ឋារចនាសម្ព័ន្ធផ្លូវទាំង ៣៧ខ្សែ និងដំណើរការស្ថានីយអាងប្រព្រឹត្តកម្មទឹកកខ្វក់នៅក្នុងក្រុងព្រះសីហនុ។

ថ្ងៃទី១៥ ខែកក្កដា ឆ្នាំ២០២២ ទីចាត់ការផែនការវិនិយោគសាលាខេត្តព្រះសីហនុ បានចុះពិនិត្យនិងវាយតម្លៃការអនុវត្តគម្រោងមូលនិធិឃុំចំនួន ៤ នៅក្នុងស្រុកព្រៃនប់ មានដូចជាឃុំអូរឧកញ៉ាហេង ឃុំព្រៃនប់ ឃុំទួលទទឹង និងឃុំជើងគោ ជាលទ្ធផលក្រុមហ៊ុនដែលបានទទួលការសាងសង់លើស៥០% នៃកិច្ចសន្យាគម្រោង។

រសៀលថ្ងៃទី១៥ ខែកក្កដា​ ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញសួរសុខទុក្ខ​លោក​ សុខ​ នី​ អតីតអនុប្រធានមន្ទីរព័ត៌មានខេត្តព្រះសីហនុ បច្ចុប្បន្នជាជំនួយការផ្ទាល់ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាប្រេសិត ព័ត៌មាន-សោតទស្សន៍ ប្រចាំមន្ទីរព័ត៌មានខេត្តព្រះសីហនុ ដែលកំពុងសម្រាកព្យាបាលជំងឺ នៅមន្ទីរពេទ្យកាល់ម៉ែត្រ​ រាជធានីភ្នំពេញ។