រដ្ឋបាលខេត្តព្រះសីហនុ

សូមកោតសរសើរ និងសូមអរគុណ ដល់ក្រុមការងារ និងក្រុមហ៊ុន KWSM ក្នុងការចូលរួមសម្អាតផ្លូវសាធារណៈក្នុងខេត្តព្រះសីហនុរបស់យើង។ សូមបងប្អូន ចូលរួមសម្អាតបរិស្ថានទាំងអស់គ្នា ដើម្បីសុខភាពសាធារណៈល្អ លើកម្ពស់សោភ័ណភាពខេត្ត និងដើម្បីទាក់ទាញភ្ញៀវទេសចរ។

ល្ងាចថ្ងៃទី១៧ ខែកុម្ភៈ ឆ្នាំ២០២៥ លោកជំទាវ ឃុន រចនា អនុរដ្ឋលេខាធិការក្រសួងអប់រំ យុវជន និងកីឡា និងលោក សាមុត សុធារិទ្ធ អភិបាលស្ដីទី បានអញ្ជើញជាអធិបតីក្នុងកម្មវិធីប្រឡងប្រជែង អានអត្ថបទ តែងនិពន្ធ និងស្មូតកំណាព្យ ជ្រើសរើសជ័យលាភីលេខ១ ប្រចាំខេត្តទាំងបីវិញ្ញាសា ក្រោមប្រធានបទ “ការអានផ្សារភ្ជាប់អន្តរជំនាន់មនុស្សក្នុងសង្គម”។

នារសៀលថ្ងៃទី១៧ ខែកុម្ភៈ ឆ្នាំ២០២៥ លោក សាមុត សុធារិទ្ធ អភិបាលខេត្តស្ដីទី បានដឹកនាំកិច្ចប្រជុំពិភាក្សាស្ដីពីការរៀបចំសណ្ដាប់ធ្នាប់សម្រួលចរាចរណ៍ដល់រថយន្ដសំអាតដីតាមបណ្ដោយផ្លូវសាធារណៈក្នុងក្រុងព្រះសីហនុ។

នៅរសៀលថ្ងៃទី១៧ ខែកុម្ភៈ ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងគណៈប្រតិភូអមដំណើរ បានអញ្ជើញបំពេញទស្សនកិច្ចសិក្សានៅតំបន់ Qianhai Comprehensive Bonded Zone ជាតំបន់ភណ្ឋាគារមួយស្ថិតនៅក្នុងតំបន់ពាណិជ្ជកម្មសេរី Qianhai-Shekou ដែលផ្តោតលើការសម្រួលពាណិជ្ជកម្ម សេវាកម្មទំនើប និងនវានុវត្តន៍។