រដ្ឋបាលខេត្តព្រះសីហនុ

រសៀលថ្ងៃទី២៣ ខែមីនា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញសំណេះសំណាលសួរសុខទុក្ខគ្រួសារស្ត្រីក្រីក្រ កុមារងាយរងគ្រោះ ជនចាស់ជរា និងជនមានពិការភាពមកពី ៣ឃុំ ចំនួន ៤៥នាក់ ក្នុងស្រុកស្ទឹងហាវ ខេត្តព្រះសីហនុ។ ឯកឧត្តម គួច ចំរើន អភិបាលខេត្តព្រះសីហនុ បានពាំនាំការផ្តាំផ្ញើសួរសុខទុក្ខ និងសេចក្តីនឹងរលឹកពីសម្តេចអគ្គមហាសេនាបតីតេជោ ហ៊ុន សែន

ព្រឹកថ្ងៃទី២៣ ខែមីនា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញចូលរួមក្នុងពិធីផ្សព្វផ្សាយរបាយការណ៍ជាតិ ស្ដីពីការងារប្រយុទ្ធប្រឆាំងអំពើជួញដូរមនុស្ស ឆ្នាំ២០២២ និងលើកទិសដៅការងារឆ្នាំ២០២៣ របស់ គ.ជ.ប.ជ ដែលពិធីនេះប្រារព្ធធ្វើឡើងនៅវិទ្យាស្ថានជាតិអប់រំ ក្រោមអធិបតីដ៏ខ្ពង់ខ្ពស់សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ)។

រសៀលថ្ងៃទី២២ ខែមីនា ឆ្នាំ២០២៣ ទីចាត់ការផែនការ និងវិនិយោគសាលាខេត្ត បានដឹកនាំមន្ត្រីបច្ចេកទេសខេត្ត ចុះសិក្សាគម្រោងសាងសង់ផ្លូវបេតុង ដែលប្រើប្រាស់ថវិកាឥណទានបន្ថែមស្រុក ស្ថិតនៅភូមិព្រៃនប់២ ឃុំព្រៃនប់ ស្រុកព្រៃនប់ ខេត្តព្រះសីហនុ ដែលមានការចូលរួមពីលោកអភិបាលស្រុកព្រៃនប់ លោក លោកស្រីជាអភិបាលរងស្រុក សមាជិកក្រុមប្រឹក្សាស្រុក មន្ត្រីក្រោមឱវ៉ាទ មេឃុំ មេភូមិ និងប្រជាពលរដ្ឋជាច្រើនរូបទៀត។

ព្រឹកថ្ងៃទី២២ ខែមីនា ឆ្នាំ២០២៣ នៅរដ្ឋបាលខេត្តព្រះសីហនុ លោក ឡុង ឌីម៉ង់ អភិបាលរងខេត្តព្រះសីហនុ បានអញ្ជើញដឹកនាំប្រជុំណែនាំពាក់ព័ន្ធនឹងការប្រគុំតន្ត្រី នាឱកាសបុណ្យចូលឆ្នាំប្រពៃណីជាតិខ្មែរ នៅទីលានតេជោ ក្រុងព្រះសីហនុ ដោយមានការចូលរួមពីក្រុមហ៊ុនម្ចាស់សំណើទាំងអស់ អាជ្ញាធរមូលដ្ឋាន មន្ទីរ និងអង្គភាពពាក់ព័ន្ធនានា។

សូមជម្រាបជូនថា នៅដើមខែមីនា ឆ្នាំ២០២៣នេះ រដ្ឋបាលខេត្តព្រះសីហនុចេញសេចក្ដីជូនដំណឹងស្តីពីការប្រកួតជ្រើសរើសជ័យលាភីផលិតខ្សែវីដេអូខ្លីក្នុងន័យលើកកម្ពស់អនាម័យបរិស្ថាន ក្រោមប្រធានបទ «ឆ្នេរស្អាត បរិស្ថានល្អ ទេសចររីករាយ» រហូតមកដល់ថ្ងៃទី២០ ខែមីនា ឆ្នាំ២០២៣ ក្រុមការងារបានទទួលខ្សែវីដេអូចូលរួមប្រកួតប្រជែងចំនួន២៣ក្រុម។ ក្រោយពីក្រុមការងាររដ្ឋបាលខេត្តពិនិត្យលើខ្លឹមសារ រូបភាព សកម្មភាព របស់ខ្សែវីដេអូ