រដ្ឋបាលខេត្តព្រះសីហនុ

ព្រឹកថ្ងៃទី៦ ខែកក្កដា ឆ្នាំ២០២៣ ឯកឧត្តម វង្ស ផាណាត ប្រធានក្រុមប្រឹក្សាខេត្ត និងលោក ឯម ភាព អភិបាលរងខេត្ត តំណាងដ៏ខ្ពង់ខ្ពស់ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ ដឹកនាំកិច្ចប្រជុំសាមញ្ញរបស់ក្រុមប្រឹក្សាខេត្តព្រះសីហនុ អាណត្តិទី៣ លើកទី៤៩ ដោយមានការអញ្ជើញចូលរួមពីឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត អភិបាលរងខេត្ត នាយក នាយករងរដ្ឋបាលខេត្ត ប្រធានមន្ទីរ អង្គភាព ជំនាញពាក់ព័ន្ធ និងទីចាត់ការ-អង្គភាព ការិយាល័យចំណុះសាលាខេត្តព្រះសីហនុ។

រដ្ឋបាលខេត្តព្រះសីហនុ សូមថ្លែង​អំណរគុណ​យ៉ាងជ្រាលជ្រៅចំពោះ​លោក មីន កុម្ភៈ អភិបាលរងខេត្តព្រះសីហនុ និងលោកស្រី លី គីមឡេង ដែលបានឧបត្ថម្ភទឹកសុទ្ធចំនួន ៣០០ កេស និងស្រាបៀរចំនួន ១០០ កេស ដល់រដ្ឋបាលខេត្តព្រះសីហនុ សម្រាប់ប្រើប្រាស់ក្នុងយុទ្ធនាការឃោសនាបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣ នៅខេត្តព្រះសីហនុ។ សូមលោក-លោកស្រី​ ព្រមទាំងក្រុមគ្រួសារជួបប្រទះនូវពុទ្ធពរទាំង​ ៤ប្រការ​ គឺអាយុ​ វណ្ណៈ​ សុខៈ​ ពលៈ​ កុំបីឃ្លៀងឃ្លាតឡេីយ៕

ព្រឹកថ្ងៃទី០៤ ខែកក្កដា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញជាអធិបតី ក្នុងពិធីចែកវិញ្ញាប័ណ្ណបត្រសម្គាល់ម្ចាស់អចលនវត្ថុជូនប្រជាពលរដ្ឋ ២៧១ប័ណ្ណ ស្ថិតក្នុងភូមិព្រែកក្រាញ់ ឃុំសាមគ្គី ស្រុកព្រៃនប់ ខេត្តព្រះសីហនុ ដោយមានការចូលរួមពីលោកអភិបាលរងខេត្ត លោកអភិបាលស្រុក អាជ្ញាធរក្នុងមូលដ្ឋាន ព្រមទាំងប្រជាពលរដ្ឋជាច្រើនគ្រួសារ។

រសៀលថ្ងៃទី៣០ ខែមិថុនា ឆ្នំា២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងលោកជំទាវ អញ្ជើញបិទការប្រកួតកីឡាសិស្សបឋមសិក្សា និងមធ្យមសិក្សា ជ្រើសរើសជើងឯកថ្នាក់ខេត្តឆ្នាំសិក្សា២០២២-២០២៣ នៅសាលាអនុវិទ្យាល័យសម្តេចឪ សង្កាត់លេខ៣ ក្រុងព្រះសីហនុ ដោយមានការចូលរួមពីលោកអភិបាលរងខេត្ត អភិ បាលក្រុង ប្រធានមន្ទីរ-អង្គភាព គណៈកម្មការរៀបចំការប្រកួត លោកគ្រូ អ្នកគ្រូ សិស្សា នុសិស្ស កីឡាករ កីឡាការិនី ព្រមទាំងសមាជិក សមាជិកា។

រសៀលថ្ងៃទី២៩ ខែមិថុនា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញសំណេះសំណាលជាមួយបុគ្គលិក និយោជិត ដែលកំពុងបម្រើការងារនៅតាមសណ្ឋាគារ និងភោជនីយដ្ឋានក្នុងក្រុងព្រះសីហនុ មានដូចជា៖ សណ្ឋាគារសុខា សណ្ឋាគារឯករាជ្យ សណ្ឋាគារ និងកាស៊ីណូជីងប៉ី សណ្ឋាគារ និងកាស៊ីណូឃ្វីនកូ សណ្ឋាគារ និងកាស៊ីណូជីងប៉ី ភោជនីយដ្ឋានឆ្នេរមាស ភោជនីយដ្ឋាន Sea Side និងសណ្ឋាគារ និងការស៊ីណូណានហៃ សរុបចំនួន ៧៨៣នាក់ ស្រី ៣៥៥នាក់ មានការចូលរួមពីអ្នកតំណាងរាស្ត្រខេត្តព្រះសីហនុ លោក លោកស្រីអភិបាលរងខេត្ត លោកអភិបាលក្រុង ប្រធានមន្ទីរ អង្គភាពក្នុងខេត្ត។