រដ្ឋបាលខេត្តព្រះសីហនុ

ព្រឹកថ្ងៃទី២២ ខែសីហា ឆ្នាំ២០២៣ ឯកឧត្តម គួច ចំរើន ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ និងលោកជំទាវ នាំយកអំណោយរបស់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ចែកជូនប្រជាពលរដ្ឋទីទ័លក្រ ចាស់ជរា និងស្ត្រីមេម៉ាយចំនួន ៥៧២គ្រួសារ មកពីឃុំចំនួន៣ នៃស្រុកស្ទឹងហាវ ខេត្តព្រះសីហនុ។

រសៀលថ្ងៃទី២១ ខែសីហា ឆ្នាំ២០២៣ ឯកឧត្តម ម៉ាង ស៊ីណេត អភិបាលរងខេត្តព្រះសីហនុ បានអញ្ជើញដឹកនាំកិច្ចប្រជុំលើរបៀបវារៈដូចខាងក្រោម៖ ១-ការពិនិត្យវឌ្ឍនភាពការងារផ្គត់ផ្គង ការដំឡើង និងថែទាំកាមេរ៉ាសុវត្ថិភាពតាមដងផ្លូវទាំង៣៤ខ្សែក្នុងក្រុងព្រះសីហនុ របស់ក្រុមហ៊ុន អិម ធី ម៉ាយអាយ ឯ.ក ២-ការពិនិត្យលើសំណើសុំធ្វើការគាស់កម្រាលក្រានីតផ្លូវថ្មើរជើង ដើម្បីដាក់បំពង់តភ្ជាប់ បណ្ដាញអគ្គិសនីចូលកាមេរ៉ាសុវត្ថិភាព របស់ក្រុមហ៊ុន អិម ធី ម៉ាយអាយ ឯ.ក។

ព្រឹកថ្ងៃទី២១ ខែសីហា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអនុញ្ញាតឱ្យលោក Wu Chunbing ទីប្រឹក្សាស្ថានទូត នៃសាធារណរដ្ឋប្រជាមានិតចិន និងជាប្រធានការិយាល័យកិច្ចការកុងស៊ុលចិនថ្មី ប្រចាំខេត្តព្រះសីហនុ ចូលជួបសម្តែងការគួរសម និងពិភាក្សាការងារ នៅសាលាប្រជុំសាលាខេត្តព្រះសីហនុ។

រសៀលថ្ងៃទី២១ ខែសីហា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំកិច្ចប្រជុំត្រួតពិនិត្យការអនុវត្តសៀវភៅបន្ទុក និងកិច្ចសន្យាភាស៊ីគ្រប់ប្រភេទក្នុងខេត្តព្រះសីហនុ ដោយមានការចូលរួមពីលោកជំទាវសមាជិកក្រុមប្រឹក្សាខេត្ត លោកស្រីអភិបាលរងខេត្ត លោកអភិបាលក្រុង ស្រុក លោកប្រធាន អនុប្រធានមន្ទីរ អង្គភាពពាក់ព័ន្ធ សមាគមដឹកជញ្ជូនទេសចរណ៍ជលយាន្ត និងម្ចាស់អាជីវកម្មក្នុងខេត្ត។

ព្រឹកថ្ងៃទី១៨ ខែសីហា ឆ្នាំ២០២៣ ឯកឧត្តម ម៉ាង ស៊ីណេត អភិបាលរងខេត្តព្រះសីហនុ និងលោកស្រី ត្រឹង ធីហ្វីហ្វាង តំណាងថ្នាក់ដឹកនាំខេត្តតៃនិញ ជាអនុប្រធានមន្ទីរវប្បធម៌ និងទេសចរណ៍ ខេត្តតៃនិញ ដឹកនាំកិច្ចប្រជុំ ស្តីពីការជំរុញផ្សព្វផ្សាយទីផ្សារពាណិជ្ជកម្ម និងការតភ្ជាប់ទំនាក់ទំនងកិច្ចសហប្រតិបត្តិការលើវិស័យទេសចរណ៍រវាងរដ្ឋបាលខេត្តព្រះសីហនុ នៃព្រះរាជាណាចក្រកម្ពុជា ជាមួយខេត្តតៃនិញ នៃសាធារណរដ្ឋសង្គមនិយមវៀតណាម នៅសាលាខេត្តព្រះសីហនុ ដោយមានការចូលរួមពីឯកឧត្តមអគ្គកុងស៊ុលវៀតណាមប្រចាំខេត្តព្រះសីហនុ លោកអភិបាលរងក្រុង អនុប្រធានមន្ទីរ ប្រធាន