រដ្ឋបាលខេត្តព្រះសីហនុ

នារសៀលថ្ងៃទី១ ខែមីនា ឆ្នាំ២០២៤ លោក មីន កុម្ភៈ អភិបាលរងខេត្តព្រះសីហនុ បានអញ្ជើញចូលរួមក្នុងពិធីផ្សព្វផ្សាយការរៀបចំកសាងសមិទ្ធផលប្រវត្តិសាស្រ្ត សួនតេជោសន្តិភាព ក្រោមអធិបតីភាពដ៏ខ្ពង់ខ្ពស់ សម្តេចពិជ័យសេនា ទៀ បាញ់ ឧត្ដមប្រឹក្សាផ្ទាល់ព្រះមហាក្សត្រ និងជាប្រធានមូលនិធិសាងសង់វិមាន ស្តូបអនុស្សាវរីយ៍នយោបាយឈ្នះឈ្នះ នៅទីស្តីការក្រសួងការពារជាតិ ដោយមានការចូលរួមពីឯកឧត្តម លោកជំទាវ ប្រធានក្រសួង ស្ថាប័ន រដ្ឋបាលរាជធានី ខេត្ត មន្រ្តីរាជការ កងកម្លាំងប្រដាប់អាវុធ បញ្ញាវ័ន្ត អ្នកស្រាវជ្រាវប្រវត្តិសាស្រ្ត និងក្មួយៗនិស្សិត សិក្ខាកាម ចំនួនជាង១០០០នាក់។

ព្រឹកថ្ងៃទី២ ខែមីនា ឆ្នាំ២០២៤ ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញសម្ពោធឆ្លងសាលាវិបស្សនាធុរៈ និងសមិទ្ធផលនានានៅមជ្ឈមណ្ឌលវិបស្សនាធុរៈគីរីនាគវ័នស្ថិតនៅឃុំរាម ស្រុកព្រៃនប់ ខេត្តព្រះសីហនុ ដោយមានការចូលរួមពីឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត អភិបាលរងខេត្ត ប្រធានមន្ទីរ អង្គភាព មន្ត្រីរាជការ កងកម្លាំងប្រដាប់អាវុធ គណៈកម្មការអាចារ្យ តាជី យាយជី ក្មួយៗយុវជន ព្រមទាំងបងប្អូនប្រជាពលរដ្ឋ។

នៅព្រឹក​ថ្ងៃទី១ ខែមីនា​ ឆ្នាំ២០២៤​ ឯកឧត្តម​ វង្ស​ ផាណាត​ ប្រធានក្រុមប្រឹក្សាខេត្ត និងឯកឧត្តម​ គួច​ ចំរើន​ អភិបាល​ នៃគណៈអភិបាលខេត្តព្រះសីហនុ​ បានអញ្ជើញដឹកនាំប្រតិភូខេត្ត​ព្រះសីហនុ​ គោរពព្រះវិញ្ញាណក្ខន្ធសម្ដេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត​ ទេព វង្ស ដែលព្រះអង្គបានយាងចូលព្រះទិវង្គតនៅថ្ងៃទី២៦ ខែកុម្ភៈ ឆ្នាំ២០២៤ វេលាម៉ោង ៥:៤០នាទីល្ងាច ក្នុងព្រះជន្មាយុ៩៣ព្រះវស្សា ដោយព្រះជរាពាធ​។

នៅព្រឹក​ថ្ងៃទី០១ ខែមីនា​ ឆ្នាំ​២០២៤​ ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម​ គួច​ ចំរើន​ អភិបាល​ នៃគណៈអភិបាលខេត្តព្រះសីហនុ​ បាន​អញ្ជើញ​សួរសុខទុក្ខ​ ឯកឧត្តម​ ហ៊ាង​ និន​ ជាសមាជិក​ក្រុម​ប្រឹក្សា​ខេត្ត ដែលកំពុងសម្រាកព្យាបាលជំងឺនៅក្នុងមន្ទីរពេទ្យ​១៧៩ (​ពេទ្យ​ធំ​)​។

អបអរសាទរ ខេត្តព្រះសីហនុ ទទួលបានជ័យលាភីពានរង្វាន់ជើងឯកសេវាសង្គម លេខ២ និងជ័យលាភីចលនាប្រឡងប្រណាំងអនុវត្តគោលនយោបាយ “ភូមិ-ឃុំ-សង្កាត់ មានសុវត្ថិភាព”