ព្រឹត្តិការណ៍សំខាន់ៗ របស់ខេត្តព្រះសីហនុ

ព័ត៌មានទូទៅ

ការសំណេះសំណាលសួរសុខទុក្ខ និងនាំយកអំណោយចែកជូនប្រជាពលរដ្ឋងាយរងគ្រោះ និងមន្ត្រីចូលនិវត្តន៍សរុបចំនួន ១៣៩គ្រួសារ

ព្រឹកថ្ងៃសុក្រ ៣រោច ខែបុស្ស ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០១ ខែមករា ឆ្នាំ២០២០១ ឯកឧត្តម គួច ចំរើន ប្រធានគណៈកម្មការសាខាកាកបាទក្រហមកម្ពុជាខេត្តព្រះសីហនុ អញ្ជើញសំណេះសំណាលសួរសុខទុក្ខ និងនាំយកអំណោយចែកជូនប្រជាពលរដ្ឋងាយរងគ្រោះ និងមន្ត្រីចូលនិវត្តន៍សរុបចំនួន ១៣៩គ្រួសារ ។ ពិធីចែកអំណោយបានរៀបចំនៅសាលាស្រុកស្ទឹងហាវ ខេត្តព្រះសីហនុ ដោយមានការចូលរួមពីសមាជិក សមាជិកាគណៈកម្មាធិការសាខា លោកប្រធានក្រុមប្រឹក្សាស្រុកលោកអភិបាលនៃគណៈអភិបាលស្រុកស្ទឹងហាវ និងមន្ត្រីអ្នកមុខអ្នកការជាច្រើនរូបទៀត។

សូមអានបន្ត....

ដំណើរទស្សនកិច្ចសុច្ឆន្ទៈរបស់កងទ័ពជើងទឹកឥណ្ឌា តំបន់អាស៊ីអាគ្នេយ៍ក្រោមបេសកកម្ម SAGAR-៣ របស់នាវាកងទ័ពជើងទឹកឥណ្ឌា“ INS KILTAN”

កាលពីព្រឹកថ្ងៃពុធ ១រោជ ខែបុស្ស ឆ្នាំជូត ទោស័កព.ស ២៥៦៤ ត្រូវនឹងថ្ងៃទី៣០ ខែធ្នូ ឆ្នាំ ២០២០ ឯកឧត្តម ហង្ស សាមឿន ទីប្រឹក្សាសម្តេចអគ្គមហាសេនាបតីតេជោ ហ៊ុន សែន តំណាងឯកឧត្តមទេសរដ្ឋមន្រ្តី គន់ គីម អនុប្រធានទី១ គណៈកម្មាធិកាជាតិគ្រប់គ្រងគ្រោះមហន្តរាយ លោក គង់ វិតាណ: អភិបាលរងខេត្តព្រះសីហនុ និងអគ្គមេបញ្ជាការរងកងទ័ពជើងទឹកមូលដ្ឋានសមុទ្រ បានទទួលដំណើរទស្សនកិច្ចសុច្ឆន្ទៈរបស់កងទ័ពជើងទឹកឥណ្ឌា តំបន់អាស៊ីអាគ្នេយ៍ក្រោមបេសកកម្ម SAGAR-៣ របស់នាវាកងទ័ពជើងទឹកឥណ្ឌា“ INS KILTAN” ដឹកនាំដោយមេបញ្ជាការ BK Ponnappa បាននាំយកសម្ភារៈសង្គ្រោះគ្រោះទឹកជំនន់ចំនួន ១៥តោន ប្រមាណ ៧០០កេសធំ ដែលក្នុងនោះមានសម្ភារៈគ្រោះទឹកជំនន់ចំនួន ៣,០០០ឃិត បានមកដល់កំពង់ផែស្វយ័តក្រុងព្រះសីហនុ កាលពីថ្ងៃទី២៩ ខែធ្នូឆ្នាំ២០២០ នាវាកងទ័ពជើងទឹកឥណ្ឌាគ្រោងចាកចេញពីដែនទឹកកម្ពុជានៅថ្ងៃទី០១ ខែមករា ឆ្នាំ២០២១ ។

សូមអានបន្ត....

ចុះពិនិត្យវឌ្ឍនភាពនៃការស្ថាបនាផ្លូវក្រុងចំនួន ៣៤ខ្សែ និងហេដ្ឋារចនា សម័្ពន្ធមួយចំនួនទៀតនៅខេត្តព្រះសីហនុ

នៅព្រឹកថ្ងៃពុធ ១រោជ ខែបុស្ស ឆ្នាំជូត ទោស័កពស ២៥៦៤ ត្រូវនឹងថ្ងៃទី៣០ ខែធ្នូ ឆ្នាំ ២០២០ ឯកឧត្តម ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ឯកឧត្តមបណ្ឌិតសភាចារ្យ ហ៊ឹង ថូរ៉ាក់ស៊ី រដ្ឋមន្ត្រី ប្រតិភូអមនាយករដ្ឋមន្ត្រី រដ្ឋមន្ត្រីប្រចាំការ ជាសមាជិកគណៈ កម្មាធិការជាតិ និងអភិវឌ្ឍតំបន់ឆ្នេរសមុទ្រកម្ពុជា ឯកឧត្តម សាយ សំអាល់ រដ្ឋមន្ត្រីក្រ សួងបរិស្ថាន អមដំណើរដោយឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ អភិបាលរងខេត្ត ប្រធានមន្ទីរពាក់ព័ន្ធ ក្នុងខេត្តព្រះសីហនុ បានអញ្ជើញចុះពិនិត្យវឌ្ឍនភាពនៃការស្ថាបនាផ្លូវក្រុងចំនួន ៣៤ខ្សែ និងហេដ្ឋារចនា សម័្ពន្ធមួយចំនួនទៀតនៅខេត្តព្រះសីហនុ ។

សូមអានបន្ត....

កិច្ចប្រជុំគណៈកម្មាធិការសម្របសម្រួលបច្ចេកទេសក្រុមប្រឹក្សាខេត្ត ដើម្បីពិភាក្សាលើគម្រោងអភិវឌ្ឍន៍ខេត្តឆ្នាំ២០២១

នៅព្រឹកថ្ងៃអង្គារ ១៥កើត ខែបុស្ស ឆ្នាំជូត ទោស័កព.ស ២៥៦៥ត្រូវនឹងថ្ងៃទី២៩ ខែធ្នូ ឆ្នាំ២០២០ ឯកឧត្តម គួច ចំរើន អភិបាល នៃគណ:អភិបាលខេត្តព្រះសីហនុ បានដឹកនាំកិច្ចប្រជុំគណៈកម្មាធិការសម្របសម្រួលបច្ចេកទេសក្រុមប្រឹក្សាខេត្ត ដើម្បីពិភាក្សាលើគម្រោងអភិវឌ្ឍន៍ខេត្តឆ្នាំ២០២១ ដោយមានការចូលរួមឯកឧត្ដម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត នាយករងរដ្ឋបាលសាលាខេត្ត អភិបាលក្រុងព្រះសីហនុ និងប្រធានមន្ទីរ អង្គភាពក្នុងខេត្ត។

សូមអានបន្ត....

ពិធីបិទវគ្គបណ្តុះបណ្តាលអាជ្ញាកណ្តាល ចៅក្រម និងមន្ត្រីបច្ចេកទេសកម្រិតមូលដ្ឋានកីឡាម៉ូតូទឹក ឆ្នាំ ២០២០ និងចែកវិញ្ញាបនប័ត្រ ដល់សិក្ខាកាមចូលរួម

នៅរសៀលថ្ងៃអាទិត្យ ១៣កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៧ ខែធ្នូ ឆ្នាំ២០២០ ឯកឧត្តម ណុះ ស្លេះ ប្រធានសហព័ន្ធកីឡាម៉ូតូទឹកកម្ពុជា និងជារដ្ឋលេខាធិការក្រសួងអប់រំ យុវជន និងកីឡា អញ្ជើញជាអធិបតីក្នុងពិធីបិទវគ្គបណ្តុះបណ្តាលអាជ្ញាកណ្តាល ចៅក្រម និងមន្ត្រីបច្ចេកទេសកម្រិតមូលដ្ឋានកីឡាម៉ូតូទឹក ឆ្នាំ ២០២០ និងចែកវិញ្ញាបនប័ត្រ ដល់សិក្ខាកាមចូលរួមសរុបចំនួន១៩នាក់ ស្រី៤នាក់។

សូមអានបន្ត....