រដ្ឋបាលខេត្តព្រះសីហនុ

សេចក្តីសម្រេច ស្តីពីការបញ្ចប់ ជាមណ្ឌលចត្តាឡីស័ក និងអនុញ្ញាតឱ្យដំណើការអាជីវកម្មឡើងវិញ ចំពោះសណ្ឋាគារ-ភោជនីយដ្ឋានជូហៃតាង មានទីតាំងស្ថិតនៅភូមិ៣ សង្កាត់លេខ១ ក្រុងព្រះសីហនុ។

សេចក្តីសម្រេច ស្តីពីការបញ្ចប់ ជាមណ្ឌលចត្តាឡីស័ក និងអនុញ្ញាតឱ្យដំណើការអាជីវកម្មឡើងវិញ ចំពោះមន្ទីរពេទ្យឯកជន ថៃខាង មានទីតាំងស្ថិតនៅវិថីឯករាជ្យ (ផ្លូវលេខ១០០) សង្កាត់លេខ៤ ក្រុងព្រះសីហនុ។

សេចក្តីសម្រេច ស្តីពីការបញ្ចប់ ជាមណ្ឌលចត្តាឡីស័ក ចំពោះអគារស្នាក់នៅរួម«សម្បត្តិ» មានទីតាំងស្ថិតនៅផ្លូវលេខ១២៤ ភូមិ៤ សង្កាត់លេខ៤ ក្រុងព្រះសីហនុ។

ខេត្តព្រះសីហនុ៖ គិតត្រឹមម៉ោង០៨ និង៣០នាទីព្រឹកថ្ងៃទី១៥ ខែមីនា ឆ្នាំ២០២១នេះ មិនមានអ្នកវិជ្ជមានថ្មី មានអ្នកជាសះស្បើយពីជំងឺកូវីដ-១៩ ចំនួន៦នាក់។ តុល្យការអ្នកជំងឺកូវីដ-១៩ នៅខេត្តព្រះសីហនុ មានចំនួន៨៤នាក់ ស្រី៣៧នាក់។  

ថ្ងៃអាទិត្យ ១កើត ខែចេត្រ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៤ ខែមីនា ឆ្នាំ ២០២១ មានរថយន្តពីរគ្រឿង បានបើកគេចវេះប៉ុស្តិ៍ត្រួតពិនិត្យចត្តាឡីស័កចំណុចត្រពាំងរពៅ (ផ្លូវជាតិលេខ៣) ព្រំប្រទល់ខេត្តព្រះសីហនុ និងខេត្តកំពត ត្រូវបានកម្លាំងគណៈបញ្ជាការឯកភាពស្រុកព្រៃនប់ ធ្វើការពិន័យអន្តរការណ៍។ យោងតាមរបាយការណ៍សមត្ថកិច្ចស្រុកព្រៃនប់នៅថ្ងៃទី១៤ ខែមីនា ឆ្នាំ២០២១ ដូចខាងក្រោម៖ ករណីទី១- អ្នកបើកបរឈ្មោះ សាធ វាចា ភេទ ប្រុស បើកបររថយន្តដឹកស៊ីម៉ង់ត៍មួយគ្រឿង ពាក់ស្លាកលេខភ្នំពេញ 3B-7264 បានបើកគេចវេះពីប៉ុស្តិ៍ត្រួតពិនិត្យចត្តាឡីស័កនៅចំណុចត្រពាំងរពៅ (ផ្លូវជាតិលេខ៣) ព្រំប្រទល់ខេត្តព្រះសីហនុ និងខេត្តកំពត។