រដ្ឋបាលខេត្តព្រះសីហនុ

រសៀលថ្ងៃទី១១ ខែធ្នូ ឆ្នាំ២០២២ ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិ CAMSOC និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញជាអធិបតីការប្រកួតកីឡាគុណខ្មែរជម្រុះជើងឯកចំនួន ៨គូរ ដែលមានកីឡាករកម្ពុជា និងកីឡាករបរទេសចូលរួមប្រកួតដណ្តើមយកមេដាយនៅសៃវានឆ្នេរអូរឈើទាល ស្ថិតនៅសង្កាត់លេខ៤ ក្រុងព្រះសីហនុ ក្នុងព្រឹត្តិការណ៍អបអរ

យប់ថ្ងៃទី១១ ខែធ្នូ ឆ្នាំ២០២២ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញចូលរួមកម្មវិធីសម្តែងសិល្បៈអបអរសាទរពិធីបុណ្យសមុទ្រលើទី៩ ជុំទី៣ ឆ្នាំ២០២២ នៅទីលានតេជោ (ពយតាម៉ូង) និងមហាសន្និបាតក្លឹបឆ្នេរសមុទ្រដែលស្អាតបំផុតលើពិភពលោកលើកទី១៦ ឆ្នាំ២០២២ នៅខេត្តព្រះសីហនុ។

រសៀលថ្ងៃអាទិត្យ ទី១១ ខែធ្នូ ឆ្នាំ២០២២ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និង Mr Bruno Bodard Director General of the MBBW អញ្ចើញបើកសន្និសិទអន្តរជាតិ ស្តីពីការអភិវឌ្ឍ និងការអភិរក្សឆ្នេរសមុទ្រកម្ពុជា ដោយមានការអញ្ជើញចូលរួមពីប្រតិភូសមាជិកក្លឹបឆ្នេរសមុទ្រស្អាតជាងគេលើសកលលោក នៅសណ្ឋាគារឯករាជ្យ ស្ថិតនៅសង្កាត់លេខ៣ ក្រុងព្រះសីហនុ។

ព្រឹកថ្ងៃទី១១ ខែធ្នូ ឆ្នាំ២០២២ យុទ្ធនាការ <<បុណ្បសមុទ្រស្អាត គ្មានសំរាម>> ដើម្បីអរបរសាទរពិធីបុណ្យសមុទ្រលើកទី៩ ក្រោមប្រធានបទ<<ឆ្នេរនៃសន្តិភាព ឆ្នេរនៃក្តីសង្ឃឹម>>។ យុទ្ធនាការនេះ ប្រារព្ធធ្វើឡើងនៅទីលានតេជោ ក្រុងព្រះសីហនុ ខេត្តព្រះសីហនុ ដឹកនាំដោយ ឯកឧត្តម តុប សុភ័ក រដ្ឋលេខាធិការក្រសួងទេសចរណ៍ និងឯកឧត្តម ម៉ាង ស៊ីណេត អភិបាលរងខេត្តព្រះសីហនុ និងមានការចូលរួមពីប្រតិភូក្រសួងទេសចរណ៍ មន្ទីរអប់រំ យុវជន និងកីឡាខេត្ត មន្ទីរទេសចរណ៍ខេត្ត អង្គការ River ocean clean up and ever wave យុវជនអមត និងសិស្សានុសិស្ស មានចំនួនសរុប ២៥២នាក់។

ព្រឹកថ្ងៃទី១១ ខែធ្នូ ឆ្នាំ២០២២ ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំមន្រ្តីក្រោមឱវាទចូលរួមគោរពវិញ្ញាណក្ខន្ធសព ឧបាសក ឆេង អោក អតីតមន្រ្តីចូលនិវត្តន៍កំពង់ផែស្វយ័តក្រុងព្រះសីហនុ ត្រូវជាឪពុកបង្កើត ឯកឧត្តម ឆេង សុភ័ក្រ សមាជិកក្រុមប្រឹក្សាខេត្ត នៅគេហដ្ឋាននៃសព ស្ថិតនៅភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ។