រដ្ឋបាលខេត្តព្រះសីហនុ

នាព្រឹកថ្ងៃទី២៣ ខែធ្នូ ឆ្នាំ២០២២ លោក ចេន រ៉េត នាយករងរដ្ឋបាលសាលាខេត្តព្រះសីហនុ ព្រមទាំងលោកប្រធាន អនុប្រធានមន្ទីរជំនាញពាក់ព័ន្ធ និងតំណាងក្រុមហ៊ុនម៉ុងរិទ្ធីគ្រុប បានអញ្ជើញចុះពិនិត្យជាក់ស្ដែងលើទីតាំងស្នើសុំឈូសឆាយធ្វើផ្លូវសម្រាប់ល្បាត និងជាផ្លូវការពារភ្លើងឆេះព្រៃនារដូវប្រាំង ព្រមទាំងសាងសង់ស្នាក់ការរងឈរជើងរបស់មន្ត្រីឧទ្យានជាតិ “ព្រះមុនីវង្ស” ភ្នំបូកគោ ស្ថិតនៅភូមិសាស្ត្រ ស្រុកព្រៃនប់ ខេត្តព្រះសីហនុ។

នៅរសៀលថ្ងៃទី២២ ខែធ្នូ ឆ្នាំ២០២២ លោក ឡុង ឌីម៉ង់ អភិបាលរងខេត្តព្រះសីហនុបានអញ្ជើញទស្សនាការហាត់សមសម្ដែងសិល្បៈរបស់កុមារា-កុមារីដែលជាសិស្សានុសិស្សមកពីសាលាចំនួន ៥ ក្នុងខេត្តព្រះសីហនុ ហើយត្រៀមខ្លួនសម្រាប់ការសម្ដែងផ្លាស់ប្ដូរសិល្បៈវប្បធម៌ ជាមួយកុមារពីទីក្រុងឆាងវ៉ុនរបស់កូរ៉េ ដែលនឹងប្រព្រឹត្តទៅនារសៀលថ្ងៃអាទិត្យ ទី២៥ ខែធ្នូខាងមុខនេះ នៅមុខវេទិកា ៧មករា ក្រុងព្រះសីហនុ។

ឯកឧត្តម គួច ចំរើន ពិនិត្យទីតាំងសាងសង់គិលានុបដ្ឋាន និងផ្ទះបាយនៅតំបន់ប្រតិបត្តិការសឹករងព្រះសីហនុ ព្រឹកថ្ងៃទី២៣ ខែធ្នូ ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញចុះពិនិត្យទីតាំងសាងសង់គិលានុបដ្ឋាន និងអគារផ្ទះបាយនៅក្នុងតំបន់ប្រតិបត្តិការសឹងរងព្រះសីហនុ មានទីតាំងស្ថិតនៅសង្កាត់លេខ១ ក្រុងព្រះសីហនុ ខេត្តព្រះសីហនុ។