រដ្ឋបាលខេត្តព្រះសីហនុ

រសៀល-ល្ងាច ថ្ងៃទី១០ ខែមីនា ឆ្នាំ២០២៣ នាយកទីចាត់ការផែនការ និងវិនិងវិនិយោគ សាលាខេត្ត បានដឹកនាំមន្ត្រីបច្ចេកទេសខេត្ត ចុះពិនិត្យ និងសិក្សាគម្រោងអាទិភាព ផ្លូវបេតុងចំនួន០២ខ្សែ គាំទ្រថវិកាដោយសប្បុរសជន ស្ថិតនៅភូមិបឹងវែង ឃុំវាលរេញ និងភូមិអន្លង់ក្រពើ ឃុំតានៃ ស្រុកព្រៃនប់ ខេត្តព្រះសីហនុ ដោយមានការចូលរួម ពីលោកមេឃុំ ក្រុមប្រឹក្សាឃុំ ស្មៀន មេភូមិ និងប្រជាពលរដ្ឋផងដែរ។

ព្រឹកថ្ងៃទី១០ ខែមីនា ឆ្នាំ២០២៣ អនុគណៈកម្មាធិការវិនិយោគខេត្តព្រះសីហនុ ចុះពិនិត្យទីតាំងស្នើសុំសាងសង់អ៊ូរទូកជួសជុលទូក កាណូត និងនាវាគ្រប់ប្រភេទ ដែលមានទីតាំងស្ថិតនៅភូមិ១ ឃុំកំពេញ ស្រុកស្ទឹងហាវ ខេត្តព្រះសីហនុ។

ព្រឹកថ្ងៃទី១០ ខែមីនា ឆ្នាំ២០២៣ លោក ឡុង ឌីម៉ង់ អភិបាលរងខេត្តព្រះសីហនុ ដឹកនាំកិច្ចប្រជុំផ្សព្វផ្សាយលិខិតលេខ០៦៣ សជណ/អរប របស់អគ្គនាយកដ្ឋានរដ្ឋបាល ក្រសួងមហាផ្ទៃ និងឆ្លុះបញ្ចាំងលើការអនុវត្តការងារលើកកម្ពស់វិស័យសេវាសង្គមត្រីមាសទី៤ ឆ្នាំ២០២២។

រសៀលថ្ងៃទី៩ ខែមីនា ឆ្នាំ២០២៣ លោក ឡុង ឌីម៉ង់ អភិបាលរងខេត្ត អញ្ជើញដឹកនាំកិច្ចប្រជុំពង្រឹង និងលើកកំពស់ប្រសិទ្ធិភាពក្នុងការគាំទ្រដល់រដ្ឋបាលក្រុង-ស្រុក និងឃុំ-សង្កាត់ ក្នុងខេត្តព្រះសីហនុ ដោយមានការចូលរួមពីលោកអភិបាលរងក្រុង ស្រុក មេឃុំ ចៅសង្កាត់ ស្មៀនឃុំ សង្កាត់ទាំង ២៩ក្នុងខេត្តព្រះសីហនុ។

ព្រឹកថ្ងៃទី៩ ខែមីនា ឆ្នាំ២០២៣ លោក ឡុង ឌីម៉ង់ អភិបាលរងខេត្តព្រះសីហនុ បានអនុញ្ញាតឱ្យលោកវរនាវីឯក ប្រាម៉ូត ផូកហ្រីយ៉ាល់ (PRAMOD POKHRIYAL) មេបញ្ជាការនាវាឆ្មាំសមុទ្រឥណ្ឌា ICGS SAMUDRA PAHEREDAR ចូលជួបសម្តែងការគួរសម និងពិភាក្សាការងារស្តីពីការឆ្មាំ ល្បាត និង ការឆ្លើយតបទៅកាន់សកម្មភាពបំពុលនានានៅតាមឆ្នេរ និងផ្ទៃសមុទ្រ។