រដ្ឋបាលខេត្តព្រះសីហនុ

នារសៀលថ្ងៃទី៣១ ខែមីនា ឆ្នាំ២០២៥ លោកស្រី ម៉ាក សំណាង អភិបាលរងខេត្តព្រះសីហនុ បានទទួលជួបសម្តែងការគួរសមជាមួយក្រុមហ៊ុន សារុន ហ្វាម៉ា(ឃូអីល ធី ឌី) និងដើម្បីជាការចូលរួមចំណែកជាមួយរដ្ឋបាលខេត្ត ក្នុងកិច្ចការងារសុខភាពកុមារ សុខភាពមាត់ធ្មេញ ក្រុមហ៊ុន ក៏បានឧបត្ថម្ភនូវផលិតផលច្រាសដុសធ្មេញកូនក្មេង ចំនួន ៣០០០ដើម ជូនរដ្ឋបាលខេត្ត

នារសៀលថ្ងៃទី៣១ ខែមីនា ឆ្នាំ២០២៥ លោក សាមុត សុធារិទ្ធ អភិបាលរងខេត្ត បានចូលរួមកិច្ចប្រជុំមហាសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់សហព័ន្ធកីឡាទូកកានូ និងរ៉ូអ៉ីងកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាទូកកានូ និងទូករ៉ូអុីងកម្ពុជា នៅសាលប្រជុំទីស្ដីការក្រសួងមហាផ្ទៃ

នៅព្រឹកថ្ងៃទី៣១ ខែមីនា ឆ្នាំ២០២៥ លោកស្រី ម៉ម សាមុត អភិបាលរងស្រុក និងលោក ឃាង ភារម្យ នាយកទីចាត់ការផែនការ និងវិនិយោគសាលាខេត្ត បានអញ្ជើញដឹកនាំកិច្ចប្រជុំបើកសំណើដេញថ្លៃ គម្រោងមូលនិធិឃុំចំនួន០៤ ក្នុងស្រុកស្ទឹងហាវ។  កិច្ចប្រជុំបើកសំណើដេញថ្លៃបានដំណើរការដោយរលូន ស្របតាមនីតិវិធី និងប្រកបដោយតម្លាភាព ជាលទ្ធផលទទួលបានដូចខាងក្រោម៖

នៅព្រឹកថ្ងៃទី៣០ ខែមីនា ឆ្នាំ២០២៥ ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការ NOCC និងឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានអញ្ជើញជាអធិបតីក្នុងទិវារត់ប្រណាំងអន្តរជាតិពាក់កណ្តាលម៉ារ៉ាតុង លើកទី១០ ខេត្តព្រះសីហនុ ដោយមានអត្តពលិកជាតិ-អន្ដរជាតិជាង ៤ពាន់នាក់ មកពីជិត ៥០ប្រទេសចូលរួម នៅឆ្នេរអូរឈើទាល

នៅរសៀលថ្ងៃទី២៩ ខែមីនា ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានដឹកនាំមន្ទីរអង្គភាពជំនាញពាក់ព័ន្ធ ចុះពិនិត្យទីតាំងដើម្បីត្រៀមរៀបចំពិធីបុណ្យបញ្ចុះខណ្ឌសីមាព្រះវិហារ ពុទ្ធាពិសេក និងឆ្លងសមិទ្ធផលនានាក្នុងវត្តគិរីជលសារកោះរ៉ុង ស្ថិតនៅភូមិព្រែកស្វាយ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ