ឯកឧត្តមអភិបាលខេត្ត អញ្ជើញចាប់ឆ្នោតបែងចែកដីឡូត៍ ជូនប្រជាពលរដ្ឋរស់នៅក្នុងតំបន់ក្បាលឆាយ ជាលើកទី៤

លើកទី១ ក្នុងតំណាក់កាលទី១ កាលពីថ្ងៃទី៧ខែធ្នូឆ្នាំ២០១៦ រដ្ឋបាលខេត្តព្រះសីហនុបានបែងចែកក្បាលដីឡូត៍ ទំហំ៥ម៉ែត្រ x ២០ម៉ែត្រ ជំហានដំបូងបានចំនួន១២៧ក្បាលដី។ លើកទី២ តំណាក់កាលទី២ ថ្ងៃទី២ ខែមករា ឆ្នាំ២០១៧ រដ្ឋបាលខេត្តបានបែងចែកដីឡីត៍ជូនប្រជាពលរដ្ឋដែលកំពុងរស់នៅលើដីជាក់ស្ដែង ក្នុងតំបន់ព្រែកទឹកសាបក្បាលឆាយ បានបន្តបែងចែកការកាន់កាប់ដីជូនប្រជាពលរដ្ឋនៅសល់ចំនួន១២៨ក្បាលដីឡូត៍។ លើកទី៣ តំណាក់កាលទី៣ ថ្ងៃទី៤ ខែមេសា ឆ្នាំ២០១៧ បានបន្តបែងចែកដីជូនប្រជាពលរដ្ឋបន្តទៀតដែលកំពុងរស់នៅព្រែកទឹកសាបក្បាលឆាយបានចំនួន១៩៩ ក្បាលដីឡូត៍។ លើកទី៤ ក្នុងតំណាក់កាលទី៤ ថ្ងៃទី៤ ខែឧសភា ឆ្នាំ២០១៧នេះ គណៈកម្មការសម្របសម្រួលវាសវែងរបស់រដ្ឋបាលខេត្តព្រះសីហនុបានធ្វើការបែងចែកចាប់ឆ្នោតចែកដីជូនប្រជាពលរដ្ឋរស់នៅជាក់ស្ដែងក្នុងតំបន់ក្បាលឆាយ ប្រើប្រាស់ច្រើនយ៉ាងព្រែកទឹកសាបតំបន់ក្បាលឆាយជូនប្រជាពលរដ្ឋដែលរស់នៅតំបន់លិចទឹកចំនួន១៥០ក្បាលដីឡូត៍បន្ថែមទៀត។

បន្ថែមពីលើនេះផងដែរ ឯកឧត្តមក៏បានមាននូវមតិផ្តាំផ្ញើ និង សំនូមពរ សូមឱ្យប្រជាពលរដ្ឋអនុវត្តនូវច្បាប់កុំដើរចាប់ទន្ទ្រានយកដី និងការកាប់បំផ្លាញ់ព្រៃឈើ និងបញ្ជាក់ឱ្យដឹងថាដីដែលចែកជូននាពេលនេះជាអំណោយដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹត្តបណ្ឌិត ដែលសម្តេចចែកជូនជាដីសម្បទាន ហើយដីនេះត្រូវរក្សាកាកាន់កាប់រយៈពល៥ ឆ្នាំទើបចេញប័ណ្ណកម្មសិទ្ធជូន។

TR ក្រុមគេហទំព័រខេត្ត