សាខាកាំកុងត្រូលខេត្ត សហការជាមួយស្ថាប័នពាក់ព័ន្ធចុះផ្សព្វផ្សាយអប់រំ អំពីច្បាប់ទាក់ទងនឹងសុវត្ថិភាពម្ហូបអាហារ នៅអនុវិទ្យាល័យ និងសាលាបឋមសិក្សាហ៊ុនសែនកំពង់សីលា

ស្រុកកំពង់សីលា៖ ថ្ងៃទី២១ ខែមីនា ឆ្នាំ២០១៧ រដ្ឋបាលខេត្តព្រះសីហនុ និងសាខាកាំកុងត្រូលខេត្តបាន សហការជាមួយស្ថាប័នពាក់ព័ន្ធចុះផ្សព្វផ្សាយអប់រំដល់លោកគ្រូ អ្នកគ្រូ និងសិស្សានុសិស្សសរុបប្រមាណ ១១៤៩ នាក់នៅទីតាំងអនុវិទ្យាល័យហ៊ុនសែនកំពង់សីលា  និងបឋមសិក្សាកំពង់សីលា ស្តីអំពីច្បាប់ទាក់ទងនឹងសុវត្ថិភាពម្ហូបអាហារ អត្ថប្រយោជន៍របស់អំបិលអ៊ីយូដ ការត្រួតពិនិត្យស្លាកសញ្ញាលើផលិតផលម្សៅទឹកដោះគោ និងផលប៉ះពាល់នៃការប្រើប្រាស់គ្រឿងញៀន។

ក្រុមការងារបានបន្តចុះផ្សព្វផ្សាយអំពីគុណភាព សុវត្ថិភាពម្ហូបអាហារ និងត្រួតពិនិត្យទៅលើម្ហូបអាហារវេចខ្ចប់ស្រាប់នៅផ្សារកំពង់សីលា និងផ្សារតាមផ្ទះមួយចំនួននៅក្នុងស្រុកកំពង់សីលាថែមទៀត។