រដ្ឋបាលខេត្តព្រះសីហនុ
ខេត្តព្រះសីហនុ៖ ថ្ងៃទី១៤ ខែកុម្ភៈ ឆ្នាំ២០១៧ នៅសាលាខេត្តព្រះសីហនុ បានរៀបចំនូវពិធីបំពាក់គ្រឿងឥស្សរិយយស និងមេដាយការងារជូនសមាជិកក្រុមប្រឹក្សា ឃុំ សង្កាត់ ខេត្តព្រះសីហនុ ក្រោមអធិបតីភាពដ៏ខ្ពង់ខ្ពស់ សម្តេចវិបុលភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា ព្រមទាំងមានការអញ្ជើញចូលរួមពីសំណាក់ឯកឧត្តម យន្ត មីន អភិបាល នៃគណៈអភិបាលខេត្តព្រះសីហនុ មន្រ្តីអញ្ជើញមកពីអន្តរក្រសួង លោក លោកស្រី ក្រុមប្រឹក្សាខេត្តព្រះសីហនុ អភិបាលក្រុង ស្រុក ផងដែរ។
នាឱកាសដ៏ពិសេសនេះឯកឧត្តម យន្ត មីន អភិបាល នៃគណៈអភិបាលខេត្តព្រះសីហនុ បានមានប្រសាសន៍អំពី ស្ថានភាពប្រជាពលរដ្ឋ លទ្ធផល និង សមិទ្ធផលដែលសម្រេចបាននាពេលកន្លងមក។
សម្តេចវិបុលភក្តី សាយ ឈុំ ប្រធានព្រឹទ្ឋសភានៃព្រះរាជាណាចក្រកម្ពុជា បានផ្តល់នូវកិត្តិយស ផ្តល់នូវគ្រឿងឥស្សរិយស និងមេដាយការងារផងដែរ។ (រូបភាព និង អត្ថបទដោយ សម្បត្តិ មុន្នីស័ក្ក )
