រដ្ឋបាលខេត្តព្រះសីហនុ
ខេត្តព្រះសីហនុ៖ ថ្ងៃទី៥ ខែមករា ឆ្នាំ២០១៧ ក្រុមប្រឹក្សាខេត្តព្រះសីហនុ បានរៀបចំនូវកិច្ចប្រជុំសាមញ្ញ លើកទី៣២
អាណត្តិ ទី២ របស់ខ្លួននៅសាលាខេត្តព្រះសីហនុ ក្រោមអធិបតីភាពឯកឧត្តម ជាម ហ៊ឹម ប្រធានក្រុមប្រឹក្សាខេត្ត
ព្រះសីហនុ ឯកឧត្តម យន្ត មីនអភិបាល នៃគណៈអភិបាលខេត្ត ព្រមទាំងមានការអញ្ជើញចូលរួមពីសំណាក់សមាជិក
ក្រុមប្រឹក្សាខេត្ត អភិបាលរងខេត្ត លោកនាយករងរដ្ឋបាលខេត្តព្រះសីហនុ លោកអភិបាលក្រុង លោក ស្រី សមាជិកដែល
អញ្ជើញមកពីមន្ទីរអង្គភាពនានាផងដែរ។
ក្រៅពីឯកឧត្តមបានមាននូវប្រសាសន៍នែនាំនានានៅក្នុងអង្គប្រជុំក៏បានលើកឡើងនូវចំនុចសំខាន់ៗមកពិភាក្សា រួមមាន៖
-ពិនិត្យទៅលើកូរ៉ុម
-ពិនិត្យ និងអនុម័តសេចក្តីព្រាងប្រៀបវារៈកិច្ចប្រជុំសាមញ្ញលើកទី៣២ អាណត្តិទី២
-ពិនិត្យ និងអនុម័តកំណត់ហេតុកិច្ចប្រជុំសាមញ្ញលើកទី៣១ អាណត្តិទី២ របស់ក្រុមប្រឹក្សាខេត្ត
-ពិនិត្យ និងអនុម័តរបាយការណ៍ប្រចាំខែធ្នូ ឆ្នាំ២០១៦ ស្តីពីការអនុវត្តការងាររបស់រដ្ឋបាលខេត្ត (គិតពីថ្ងៃទី២០ ខែវិច្ឆិកា
ដល់ថ្ងៃទី២០ ខែធ្នូ ឆ្នាំ២០១៦)
-ពិនិត្យ និងអនុម័តសេចក្តីព្រាងរបាយការណ៍ប្រចាំឆ្នាំ២០១៦ របស់រដ្ឋបាលខេត្ត
-ពិនិត្យ និងអនុម័តសេចក្តីព្រាងរបាយការណ៍ ស្តីពីវេទិកាផ្សព្វផ្សាយ និងគ្រោះយោបល់របស់ក្រុមប្រឹក្សាខេត្ត អាណត្តិទី២
ឆ្នាំ២០១៦
-ស្តាប់របាយការរបស់គណៈកម្មាធិការនានារបស់ក្រុមប្រឹក្សាខេត្តព្រះសីហនុ
រួមទាំងពិភាក្សាអំពីបញ្ហាផ្សេងៗទៀត។ (រូបភាព និងអត្ថបទដោយ៖ គឹម សម្បត្តិ)
