រដ្ឋបាលខេត្តព្រះសីហនុ
សូមគោរពថ្លែងអំណរគុណ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងឯកឧត្តម ម៉ាង ស៊ីណេត អភិបាលរងខេត្ត ដែលបានផ្តួចផ្តើមរៀបចំកម្មវិធីដំណើរកម្សាន្ត ចំនួន ០១យប់ ០២ថ្ងៃ នៅក្រុងកោះរ៉ុង ជូនបេក្ខជនជ័យលាភី ក្នុងការប្រកួតប្រជែងផលិតខ្សែវីដេអូខ្លីក្នុងន័យលើកកម្ពស់អនាម័យបរិស្ថាន ក្រោមប្រធានបទ «ឆ្នេរស្អាត បរិស្ថានល្អ ទេសចររីករាយ»។
សូមថ្លែងអំណរគុណ អ្នកឧកញ៉ា ទៀ វិចិត្រ អគ្គនាយកក្រុមហ៊ុន ជីធីវីស៊ី ដែលបានជួយឧបត្ថម្ភមធ្យោបាយធ្វើដំណើរ ការស្នាក់នៅ និងហូបចុក ដោយការទទួលរាក់ទាក់យ៉ាងកក់ក្តៅ នៅម៉ាហ្វីយ៉ារីសត ក្រុងកោះរ៉ុង សម្រាប់ក្រុមការងាររដ្ឋបាលខេត្ត និងបេក្ខជនជ័យលាភីរបស់យើងទាំងអស់គ្នា។
សូមគោរពជូនពរ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ ឯកឧត្តម ម៉ាង ស៊ីណេត អភិបាលរងខេត្ត និងអ្នកឧកញ៉ា ទៀ វិចិត្រ ព្រមទាំងក្រុមគ្រួសារ សមជួបប្រទះតែនឹងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ 
