លោក ជាវ វិជ្ជាក់ បានដឹកនាំគណៈប្រតិភូគណៈកម្មការជំនាញខេត្តព្រះសីហនុ ចូលរួមកិច្ចប្រជុំ និងចុះហត្ថលេខាលើកិច្ចសហប្រតិបត្តិការ ការរុករក ការជីកគាស់ និងការធ្វើមាតុភូមិនិវន្តន៍នូវអដ្ឋិធាតុកងទ័ពស្ម័គ្រចិត្ត

នៅថ្ងៃទី១៥ ខែវិច្ឆិកា ឆ្នាំ២០២៣ លោក ជាវ វិជ្ជាក់ អភិបាលរង នៃគណៈអភិបាលខេត្តព្រះសីហនុ បានដឹកនាំគណៈប្រតិភូគណៈកម្មការជំនាញខេត្តព្រះសីហនុ ចូលរួមកិច្ចប្រជុំ និងចុះហត្ថលេខាលើកិច្ចសហប្រតិបត្តិការ ការរុករក ការជីកគាស់ និងការធ្វើមាតុភូមិនិវន្តន៍នូវអដ្ឋិធាតុកងទ័ពស្ម័គ្រចិត្ត និងជំនាញការវៀតណាម ដែលពលីកាលពីសម័យសង្គ្រាម​នៅកម្ពុជា រវាងគណ:កម្មការជំនាញជំនាញខេត្តកំពត​ ខេត្តកែប​ ខេត្តកោះកុង​ និងខេត្តព្រះសីហនុ​ (កម្ពុជា)​ និងខេត្តគៀនយ៉ាង​ (វៀតណាម)​ សម្រាប់ដំណាក់កាល​ XXIII (រដូវប្រាំង​ ឆ្នាំ២០២៣ – ២០២៤)​ នៅមន្ទីរគណៈកម្មាធិការប្រជាជនខេត្តគៀនយ៉ាង នៃសាធារណរដ្ឋសង្គមនិយមវៀតណាម