ឯកឧត្តម នាយឧត្តម សេនីយ៍ យូ ស៊ុនឡុង និងឯកឧត្តម គួច ចំរើន ​បានដឹកនាំកិច្ចប្រជុំពិភាក្សាអំពីការត្រៀមរៀបចំការការពារសន្តិសុខ សណ្តាប់ធ្នាប់ ក្នុងពិធីសំណេះសំណាលរបស់សម្តេចមហាបវរធិបតី ហ៊ុន ម៉ាណែត

ព្រឹកថ្ងៃទី១៧ ខែតុលា ឆ្នាំ ២០២៣ ឯកឧត្តម នាយឧត្តម សេនីយ៍ យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានដឹកនាំកិច្ចប្រជុំពិភាក្សាអំពីការត្រៀមរៀបចំការការពារសន្តិសុខ សណ្តាប់ធ្នាប់ ក្នុងពិធីសំណេះសំណាលរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជាមួយកម្មករនិយោជិត នៅតំបន់សេដ្ឋកិច្ចពិសេស ខេមបូឌា ចេជាង ហ្គ័រជី ដែលស្ថិតនៅក្នុងឃុំជើងគោ ស្រុកព្រៃនប់ ខេត្តព្រះសីហនុ។