នៅសណ្ឋាគារខែមរះ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញចូលរួមពិធីលៀងសាយភោជន៍ជាមួយលោកព្រឹទ្ធាចារ្យ ម៉ក់ ហឺន អ្នកវិភាគបញ្ហាសង្គមមកពីសហរដ្ឋអាមេរិក

នៅក្នុងការអញ្ជើញមកខេត្តព្រះសីហនុទាំង២លើក លោកតាបានមើលឃើញពីតថភាពជាក់ស្តែងនៅកម្ពុជា ហើយបានផ្តល់ការគាំទ្រ មានបំណងរក្សាសមិទ្ធផលដែលសម្រេចបានសម្រាប់ប្រជាពលរដ្ឋខ្មែរតទៅមុខទៀត។ លោកតាព្រឹទ្ធាចារ្យ ម៉ក់ ហឺន បានមានប្រសាសន៍ឱ្យដឹងថា «នាឆ្នាំ២០២៣នេះ ខ្ញុំមកកម្ពុជាដើម្បីចូលរួមការបោះឆ្នោតជ្រើសតាំងតំណាងរាស្ត្រនីតិកាលទី៧ ដើម្បីបង្កើតរាជរដ្ឋាភិបាលមួយដែលមានស្នាដៃកសាងជាតិ ដែលខ្ញុំមិនធ្លាប់នឹកស្មានថា ប្រទេសខ្ញុំបានមកដល់ប៉ុណ្ណឹងទេ»។

បន្ថែមពីលើនេះ លោកតាព្រឹទ្ធាចារ្យ ម៉ក់ ហឺន បានបញ្ជាក់ថា កន្លងមកលោកធ្លាប់តែ​បានលឺអគតិជនមួយចំនួនតូចផ្សព្វផ្សាយព័ត៌មានអវិជ្ជមានអំពីខេត្តព្រះសីហនុ

តែពេលលោកបានមកឃើញផ្ទាល់ភ្នែក ហើយលោកនឹងយកទៅផ្សព្វផ្សាយអំពីតថភាព ដើម្បីផ្តល់យុត្តិធម៌ជូនសង្គមកម្ពុជាវិញ។