ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អនុញ្ញាតឱ្យលោកឧត្តមនាវីទោ GURCHARSN SINGH មេបញ្ជាការកងនាវាចរភាគខាងកើតកងទ័ពជើងឥណ្ឌា ជាប្រធានប្រតិភូ ចូលជួបសម្តែងការគួសម និងពិភាក្សាការងារនៅសាលាខេត្តព្រះសីហនុ

ឯកឧត្តម គួច ចំរើន អភិបាលខេត្តព្រះសីហនុ ស្វាគមន៍មេបញ្ជាការកងនាវាចរភាគខាងកើតកងទ័ពជើងឥណ្ឌា សហការី និងសេនានុព័ន្ធយោធាឥណ្ឌ ស្របពេលដែលកម្ពុជាធ្វើជាម្ចាស់ផ្ទះរៀបចំការប្រកួតកីឡាស៊ីហ្គេមអាស៊ីអាគ្នេយ៍លើកទី៣២ ហើយខេត្តព្រះសីហនុក៏ជាម្ចាស់ផ្ទះរៀបចំការប្រកួតកីឡា ៣ប្រភេទផងដែរ កម្ពុជាកំពង់សប្បាយរីករាយជាមួយស៊ីហ្គេម និងទទួលស្វាគមន៍នាវាយោធាកងទ័ពជើងទឹកឥណ្ឌា ០២គ្រឿង។ កម្ពុជា ឥណ្ឌាមានទំនាក់ទំនងការទូត ៥៨ឆ្នាំមកហើយ រាជរដ្ឋាភិបាលកម្ពុជា ចងចាំដែលឥណ្ឌាគាំទ្រដំណើរសន្តិភាពរបស់កម្ពុជា ក្រោយពីកម្ពុជាទទួលបានឯករាជ្យឆ្នាំ១៩៥៣ ឥណ្ឌាទទួលស្គាល់ឯករាជ្យកម្ពុជា ក្រោយរំដោះ ១៩៧៩ ឥណ្ឌាទទួលស្គាល់កម្ពុជាមុនគេ ក្នុងស្ថានភាពដ៏លំបាកផ្នែកជីវភាព រដ្ឋាភិបាលឥណ្ឌាបានជួយទំនុកបំរុងកម្ពុជាមកដល់បច្ចុប្បន្ន ការទស្សនកិច្ចរបស់ឯកឧត្តម នាយឧត្តមសេនីយ៍ ហ៊ុន ម៉ាណែត ទៅកាន់ប្រទេស ឥណ្ឌានាពេលកន្លងមក មានការទទួលស្វាគមន៍យ៉ាងកក់ក្តៅពីរដ្ឋាភិបាលឥណ្ឌាបានផ្តល់កិច្ចសហប្រតិបត្តិការល្អ តាមការព្យាករណ៍ឥណ្ឌានិងក្លាយជាប្រទេសដែលមានប្រជាជនច្រើនជាងគេលើសកលលោកនាឆ្នាំខាងមុខ ឥណ្ឌាជាប្រទេសធំ ជឿនលឿនផ្នែកវិទ្យាសាស្ត្រ ឥណ្ឌាក៏បានជួយណ្តុះបណ្តាលធនធានមនុស្សរបស់កម្ពុជា ទន្ទឹមនោះវិស័យសុខាភិបាលឥណ្ឌាមានការរីកចម្រើន ហើយមានប្រជាជនកម្ពុជាបានទៅព្យាបាលនៅប្រទេសឥណ្ឌាមិនតិចដែរ នេះជាទំនាក់ទំនងដោះដូរប្រជាជនមានការកើនឡើង ឯកឧត្តមសង្ឃឹមថា ដំណើរទស្សនកិច្ចរបស់នាវាជើងទឹកឥណ្ឌាទាំងពីរគ្រឿងទទួលបានផ្លែផ្កាល្អ ចូលរួមសប្បាយរីករាយការទស្សនាស៊ីហ្គេមអាស៊ីអាគ្នេយ៍លើកទី៣២នៅកម្ពុជា។

ឯកឧត្តម អភិបាលខេត្ត បានជម្រាបជូនពីសក្តានុពល និងវិទ្យាសាស្ត្ររបស់ខេត្តព្រះសីហនុ ចែកចេញពីរក្រុង ៣ស្រុក មានកោះ៣០ ឆ្នេរសមុទ្រប្រវែង ១៧៥គីឡូម៉ែត្រ មានកំពង់ផែសមុទ្រទឹកជ្រៅទទួលការ ដឹកជញ្ជូនទំនិញចេញ-ចូល ៧០ភាគរយ បច្ចុប្បន្នកំពុងសហការជាមួយជប៉ុនពង្រីកកំពង់ផែទឹកជ្រៅ មានព្រលានយន្តហោះអន្តរជាតិ និងផ្លូវល្បឿនលឿនតភ្ជាប់ពីរាជធានីភ្នំពេញមកកាន់ខេត្តព្រះសីហនុ។ ប៉ុន្មានឆ្នាំចុងក្រោយខេត្តព្រះសីហនុ បានធ្វើការអភិវឌ្ឍស្របពេលកម្ពុជាមានសុខសន្តិភាព ផ្លល់ឱកាសឱ្យប្រជាជន និងអ្នកវិនិយោគឥណ្ឌាចាប់យកវិស័យទេសចរ និងវិនិយោគមកកាន់ខេត្តព្រះសីហនុ សូមជូនពរឱ្យដំណើរទស្សនកិច្ចនៅកម្ពុជាទទួលបានជោគជ័យ។

លោកឧត្តមនាវីទោ GURCHARSN SINGH មេបញ្ជាការកងនាវាចរភាគខាងកើតកងទ័ពជើងឥណ្ឌា ជាប្រធានប្រតិភូបានជម្រាបជូនថា ដំណើទស្សនកិច្ចមកកាន់ខេត្តព្រះសីហនុ បន្ទាប់ពីបានធ្វើសមយុទ្ធដែលប្រទេសឥណ្ឌាធ្វើជាសហប្រធាន ជាមួយប្រទេសសឹង្ហបុរី ក្នុងនោះមានប្រទេសសមាជិកអាស៊ានមួយចំនួនបានចូលរួម យើងបានចាកចេញពីប្រទេសសឹង្ហបុរីកាលពីល្ងាចថ្ងៃទី៥ ខៃឧសភា ២០២៣ បានធ្វើសមយុទ្ធរួមគ្នានៅតំបន់អាស៊ានរយៈពេល ២ថ្ងៃ បន្ទាប់មកកាន់កំពង់ផែក្រុងព្រះសីហនុ យើងបន្តទៅប្រទេសវៀតណាម (កំពង់ផែដាណាង) អគុណអភិបាលខេត្ត បានសួរសុខទុក្ខការចូលចតនៅកំពង់ផែក្រុងព្រះសីហនុ ហើយនាវារបស់យើងបានធ្វើដំណើរទស្សនកិច្ចមកកាន់កំពង់ផែក្រុងព្រះសីហនុ នាឆ្នាំកន្លងមកផងដែរ។

លោកឧត្តមនាវីទោ GURCHARSN SINGH បានបញ្ចាក់ថា ប៉ុន្មានឆ្នាំចុងក្រោយនេះ រដ្ឋាភិបាល នៃប្រទេសទាំងពីរ រដ្ឋមន្ត្រីក្រសួងការពារជាតិប្រទេសទាំងពីរបានធ្វើទស្សនកិច្ចផ្លាស់ប្តូររវាងប្រទេសទាំងពីរ នេះជាសួចនាករនៃទំនាក់ទំនងកាទូតរវាងប្រទេសទាំងពីរ និងសូមថ្លែងអំណរគុណប្រសាសន៍ឯកឧត្តម អភិបាលខេត្តលើកឡើងពីទំនាក់ទំនងការទូតរវាងឥណ្ឌា-កម្ពុជា តាមរយៈវប្បធម៌ អរិយធម៌ ប្រជាជន និងប្រជាជន កិច្ចសហប្រតិបត្តិការការពារជាតិក្តី មានការរីកចម្រើនគួរឱ្យកត់សម្គាល់ រយៈកាលប៉ុន្មានឆ្នាំចុងក្រោយនេះ យើងមានដំណើរទស្សនកិច្ចរបស់ប្រមុខរាជរដ្ឋាភិបាលនៃប្រទេសទាំងពីរ ក្នុងនោះក៏មានរដ្ឋមន្ត្រីការពារជាតិ នេះជាសួចនាក៏មួយបង្ហាញពីការរីកចម្រើនទំនាក់ទំនងនៃប្រទេសទាំងពីរ យើងសិក្សាបន្ថែមទៀតលើតំបន់កិច្ចសហប្រតិបត្តិការរួមគ្នារវាងប្រទេសទាំងពីរ។ សង្ឃឹមថា ប្រទេសទាំងពីរនឹងបង្កើនកិច្ចសហប្រតិបត្តិការបន្ថែមទៀតនៅពេលអនាគត ហើយនាវាកងទ័ពជើងទឹកឥណ្ឌាបានផ្តល់នូវវគ្គបណ្តុះបណ្តាលដល់នាយទាហានជើងទឹកកម្ពុជា ការធ្វើលំហាត់រួមគ្នាជាមួយភាគីកម្ពុជា។ ខ្ញុំបានឃើញការរីកចម្រើនរបស់ក្រុងព្រះសីហនុ និងជូនពរប្រទេសកម្ពុជា មានការអភិវឌ្ឍរីកចម្រើនបន្ថែមទៀត ហើយរយៈពេល ៣ថ្ងៃខាងមុខ យើងនឹងធ្វើការទំនាក់ទំនងទស្សនានៅក្នុងក្រុងព្រះសីហនុ តាងនាមឱ្យមេបញ្ជាការនាវាទាំងពីរគ្រឿង និងនាវិកនឹងទទួលធ្វើលំហាត់រួមគ្នាជាមួយកងទ័ពជើងទឹកកម្ពុជា។