ថ្នាក់ដឹកនាំខេត្ត អញ្ជើញទៅសួរសុខទុក្ខស្រ្តី ដែលសម្រាលបានកូនភ្លោះប្រុសចំនួន ៣នាក់ នៅមន្ទីរពេទ្យបង្អែក ខេត្តព្រះសីហនុ

តាមរបាយការណ៍របស់លោក សេង ណុង ប្រធានមន្ទីរពេទ្យបង្អែកខេត្តព្រះសីហនុ បានឲ្យដឹងទៀតថា ៖ ឪពុកកូន
ភ្លោះទាំង៣ មានឈ្មោះ ថា សាអ៊ីម អាយុ៣៣ឆ្នាំ ដែលមានស្រុកកំណើតនៅឃុំឈ្នួលមានជ័យ ស្រុកសេរីសោភ័ណ្ឌ
ខេត្តបន្ទាយមានជ័យ ចំណែកប្រពន្ធវិញឈ្មោះ ប្រាក់ កញ្ញា អាយុ២៨ឆ្នាំ មានស្រុកកំណើតនៅភូមិ១ សង្កាត់លេខ៣
ក្រុងព្រះសីហនុ ខេត្តព្រះសីហនុ។ ទាំង២នាក់ ប្តីប្រពន្ធ សុទ្ធតែបំរើ ការងារជា បុគ្គលិក នៅក្នុងហាង អ៊ីនវីតូដូចគ្នា។

ចំណែកឯកូនភ្លោះទាំងបី កូនទី១ ភេទប្រុស មានទំងន់ ១.៨០០ក្រាម ឈ្មោះ សេក ខេមរៈ និងកូនទី២ ភេទប្រុស
មានទំងន់ ១.៩០០ក្រាម ឈ្មោះ សេក ខេមរា និងកូនទី៣ មានទំងន់ ២.០០០ ក្រាម ឈ្មោះ សេក ខេមរិន។

នៅក្នុងឱកាសនោះដែរ ឯកឧត្តម ជាម ហុីម និងឯកឧត្តម យន្ត មីន ក៏បានលើកទឹកចិត្តដល់ក្រុមគ្រូពេទ្យដែលបាន
វះកាត់ ស្ត្រីមានផ្ទៃពោះប្រកបដោយជោគជ័យដោយឧបត្ថម្ភថវិកាចំនួន ៤០មុឺនរៀល និងជូនថវិកាដល់ស្ត្រីសំរាលកូន
ដោយវះកាត់ពីរ២នាក់ផ្សេងទៀត និងអ្នកជំងឺក្រីក្រ១នាក់ដោយម្នាក់ៗទទួលបានថវិកាចំនួន៤០.០០០រៀល៕ OSR