ថ្នាក់ដឹកនាំខេត្ត បានយកអំណោយជាថវិកា និងអង្ករផ្តល់ជូនជនរងគ្រោះដែលត្រូវពស់ចឹក និង អ្នកជម្ងឺគ្មានសាច់ញាតិ ព្រមទាំងយោធិនចូលនិវត្តន៍

តាមការអោយដឹងពីក្រុមគ្រួសារ ស្រ្តីរងគ្រោះ មានប្រកប របរជាកសិករ ជីវភាពក្រលំបាក ហើយបានរងគ្រោះ
ដោយសារពស់ចឹក កាលពីថ្ងៃទី០៩ ខែតុលា ឆ្នាំ២០១៦ នៅនឹងផ្ទះរបស់ខ្លួន ខណៈពេល ចុះជណ្តើរទៅបន្ទប់ទឹក
សូមបញ្ជាក់ ផងដែរថា ស្រ្តីរងគ្រោះ កំពុងតែមានទម្ងន់កូនក្នុងផ្ទៃជិតគ្រប់ខែហើយនឹងសម្រាលកូននាពេលឆាប់ៗ
ខាងមុខនេះ។

បើតាមការបញ្ជាក់ពី លោកសេង ណុង ប្រធានមន្ទីរពេទ្យបង្អែកខេត្តព្រះសីហនុ បានមានប្រសាសន៍ថា ស្ថានភាព
អ្នកជំងឺនាពេលនេះបានធូរស្រាលខ្លះហើយ ដោយក្រុមគ្រូពេទ្យកំពុងបន្តធ្វើការតាមដានបន្ថែមទៀត ហើយចំពោះ
ការចំណាយលើការសម្រាកព្យាបាល របស់អ្នកជំងឺ គឺមិនត្រូវបានគិតថ្លៃឡើយ ព្រោះអ្នកជំងឺមានជីវភាពក្រីក្រ។

ក្នុងឱកាសនោះ លោកជំទាវ ហៀក ហ៊ីមុល្លី អភិបាលរងខេត្ត និងក្រុមការងារ ក៏បាននាំយកថវិកាចំនួន ២០០,០០០៛
ផ្តល់ជូន អ្នកជំងឺដែលគ្មានសាច់ញាតិ ឈ្មោះ ផុល ភ័ណ្ឌ ភេទស្រី អាយុ ៤២ ឆ្នាំ មុខរបរជាកម្មករ បច្ចុប្បន្នរស់នៅភូមិ
ដើមថ្កូវ សង្កាត់កោះរ៉ុង ក្រុងព្រះសីហនុ ខេត្តព្រះសីហនុ ដែលកំពុងសម្រាកព្យាបាលជំងឺក្នុងមន្ទីរពេទ្យបង្អែកខេត្ត និង
បានបន្ត ទៅសួរសុខទុក្ខ ដោយនាំយកអំណោយជា អង្ករចំនួន ពីរបាវ ស្មើនឹង ៤០គីឡូក្រាម ជូនដល់ លោក គឹម យ៉េន
ជាយោធិនចូលនិវត្តន៍ ត្រូវជាឪពុក លោក គឹម សម្បត្តិ មន្ត្រីជាប់កិច្ចសន្យា សាលាខេត្ត ដែលមានជំងឺ កំពុងសម្រាក
ព្យាបាលជំងឺ ក្នុងមន្ទីរពេទ្យបង្អែកខេត្តផងដែរ ។

ជាចុងក្រោយ លោកជំទាវ ហៀក ហ៊ីមុល្លី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមអភិបាល នៃគណៈអភិបាលខេត្ត
និងក្រុមការងារ បានថ្លែងអំណរគុណដល់ ក្រុមគ្រូពេទ្យដែលបានយកចិត្តទុកដាក់ និងជួយសង្រ្គោះជនរងគ្រោះបាន
ទាន់ពេលវេលា ហើយក៏បានជូនពរដល់ជនរងគ្រោះទាំងអស់ ដែលកំពុងសម្រាកព្យាបាល អោយឆាប់ជាសះស្បើយ
ផងដែរ។ ដោយៈ ភារម្យ