លោកជំទាវ ប្រាក់ ច័ន្ទសុខា ប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារខេត្តព្រះសីហនុ អញ្ជើញបានបើកវគ្គតម្រង់ទិស ស្តីពីតួនាទី និងភារកិច្ចរបស់គណៈកម្មាធិការពិគ្រោះយោបល់កិច្ចការស្ត្រី និងកុមារ

លោកជំទាវ ប្រាក់ ច័ន្ទសុខា ប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារខេត្តព្រះសីហនុ បើកកិច្ចប្រជុំដោយបញ្ចាក់ថា គោលបំណង នៃការបង្កើតគណ:កម្មាធិការក្រុមប្រឹក្សារាជធានី ក្រុមប្រឹក្សាខេត្ត ដោយរៀបចំបង្កើតឱ្យមានគណៈកម្មាធិការពិគ្រោះយោបល់កិច្ចការស្ត្រី និងកុមារ ដើម្បីផ្តល់ធាតុចូលក្នុងការចូលរួមផ្តល់មតិយោបល់ និងលើកជាអនុសាសន៍ជូនក្រុមប្រឹក្សា គណៈអភិបាល និងគណៈកម្មាធិការដទៃទៀតរបស់ក្រុមប្រឹក្សា លើបញ្ហាការងារពាក់ព័ន្ធនឹងសមភាពយេនឌ័រ បញ្ហាស្រ្តី យុវវ័យ កុមារ និងជនងាយរងគ្រោះដែលស្ថិតនៅក្នុងចំណោមមុខងារ និងភារកិច្ចរបស់ក្រុមប្រឹក្សា ដើម្បីធានាថាកាងាររបស់គណៈកម្មាធិការពិគ្រោះយោបល់កិច្ចការស្ត្រី និងកុមារនៅតាមមូលដ្ឋាននិមួយៗអនុវត្តបានល្អរលូនប្រកបដោយប្រសិទ្ធិភាព មានគុណភាព និងតម្លាភាពនៅតាមមូលដ្ឋាន។

លោកជំទាវបានបន្តថា វគ្គតម្រង់ទិស ស្តីពីតួនាទី និងភារកិច្ចរបស់គណៈកម្មាធិការពិគ្រោះយោបល់កិច្ចការស្ត្រី និងកុមារ បានធ្វើការពិភាក្សាគ្នាយ៉ាងផុលផុស រកនូវចំណុចខ្វះខាត ដើម្បីរួមគ្នាចូលរួមកែតម្រូវការងារឱ្យកាន់តែមានប្រសិទ្ធិភាព ព្រមទាំងបានបញ្ចេញមតិបង្កើតបានជាធាតុចូលក្នុងការរៀបចំផែនការសកម្មភាពនៅតាមឃុំ សង្កាត់ ក្រុង ស្រុកនីមួយៗកាន់តែមានប្រសិទ្ធភាពក្នុងការអនុវត្តការងារទៅលើគោលដៅប្រជាពលរដ្ឋដែលងាយរងគ្រោះនៅទូទាំងខេត្តព្រះសីហនុ។