Home / ព័ត៌មានទូទៅ / លោក គង់ វិតាណៈ អភិបាលរងខេត្តព្រះសីហនុ ដឹកនាំកិច្ចប្រជុំពិភាក្សាការងារភូមិមួយផលិតផលមួយ

លោក គង់ វិតាណៈ អភិបាលរងខេត្តព្រះសីហនុ ដឹកនាំកិច្ចប្រជុំពិភាក្សាការងារភូមិមួយផលិតផលមួយ

ព្រឹកថ្ងៃច័ន្ទ ៩រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី២៥ ខែមេសា ឆ្នាំ២០២២ លោក គង់ វិតាណៈ អភិបាលរងខេត្តព្រះសីហនុ ដឹកនាំកិច្ចប្រជុំពិភាក្សាការងារភូមិមួយផលិតផលមួយ សម្រាប់ត្រៀមចូលរួមកិច្ចប្រជុំការអភិវឌ្ឍអាជីវកម្ម និងការទទួលបានទីផ្សារសម្រាប់អ្នកផលិតក្នុងស្រុក និង MSMEs/SMEs ១១ខេត្ត ដោយមានការចូលរួមពីនាយករងរដ្ឋបាលសាលាខេត្ត នាយកទីចាត់ការអន្តរវិស័យ នាយកទីចាត់ផែនការវិនិយោគខេត្ត និងប្រធាន អនុប្រធានមន្ទីរពាក់ព័ន្ធ។

លោក គង់ វិតាណៈ អភិបាលរងខេត្តព្រះសីហនុ បានធ្វើការណែនាំដល់មន្ទីរជំនាញត្រូវរៀបចំផែនការសកម្មភាពការចុះបញ្ជីផលិតផលរបស់ក្រុង ស្រុក ឬសហគមន៍ បញ្ជីឈ្មោះអ្នកទិញ និងហាងសម្រាប់ដាក់លក់វត្ថុអនុស្សាវរីយ៍ជាដើម ដើម្បីធ្វើការបង្ហាញដល់ភ្ញៀវទេសចរ និងអ្នកវិនិយោគដែលមកលេងកម្សាន្តខេត្តព្រះសីហនុ។
សូមបញ្ជាក់ថា បច្ចុប្បន្នខេត្តព្រះសីហនុ មានផលិតផលក្នុងស្រុកមានដូចជា ការកែឆ្នៃទឹកត្រចៀកកម្ម ផលិតផលដូងប្រេង សិប្បកម្មកែឆ្នៃផ្តៅ ដូងក្រអូប បង្ការក្រៀម ត្រី ចំហុយជាដើម ដែលជាផលិតផលក្នុងក្រុង ស្រុក នៃខេត្តព្រះសីហនុ៕