កិច្ចប្រជុំគណៈអភិបាល ជាមួយមន្ទីរអង្គភាពពាក់ព័ន្ធ ស្តីពីការប្រជុំបូកសរុបរបាយការណ៍ ប្រចាំខែឧសភា និងការអនុវត្តការងាររបស់ រដ្ឋបាលខេត្តព្រះសីហនុ

ខេត្តព្រះសីហនុ៖ ថ្ងៃទី៣០ ខែឧសភា ឆ្នាំ២០១៦ នៅសាលាខេត្តព្រះសីហនុ បានរៀបចំនូវកិច្ចប្រជុំគណៈអភិបាល ជាមួយមន្ទីរអង្គភាពពាក់ព័ន្ធ ស្តីពីការប្រជុំបូកសរុបរបាយការណ៍ ប្រចាំខែឧសភា និងការអនុវត្តការងាររបស់ រដ្ឋបាលខេត្តព្រះសីហនុ ក្រោមអធិបតីភាពឯកឧត្តម យន្ត មីន អភិបាល នៃគណៈអភិបាលខេត្តព្រះសីហនុ និងមានការអញ្ជើញចូលរួម ពីថ្នាក់ដឹកនាំតាមមន្ទីរអង្គភាពជុំវិញខេត្ត ។ ក្នុងកិច្ចប្រជុំនេះបានបង្ហាញឲ្យឃើញស្ថានភាព ក្នុងការបំពេញការងារកន្លងមក ជាពិសេសក្នុង ខែឧសភាផ្ទាល់ ដែលបានសម្រេចនូវការងារជាច្រើនដូចជា៖
– ការចែកទឹកស្អាតទៅដល់ប្រជាជន ដែលកំពុងជួបនូវបញ្ហាខ្វះទឹកសម្រាប់ប្រើប្រាស់
-កម្មវិធីធំក្នុងខែឧសភាមានចំនួន២ គឺ
ទី១ ៖កម្មវិធីពលកម្មអន្តរជាតិ ដែលប្រព្រឹត្តធ្វើនៅកំពង់ផែស្វយ័តខេត្តព្រះសីហនុ ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ។
ទី២៖ កម្មវិធីខួបអនុស្សាវរីយ៍លើកទី១៥៣ឆ្នាំ នៃទិវាពិភពលោកកាកបាទក្រហម អឌ្ឍចន្ទក្រហមដែលមានការកើនឡើងនូវការចូលរួមពីសំណាក់សប្បុរសជនទទួលបាថវិកាចំនួនជាង ៣០ម៉ឺនដុល្លា។
-ការរក្សាសន្តិសុខសណ្តាប់ធ្នាប់
-ការរក្សាបរិស្ថាន។ល។