ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានដឹកនាំមន្រ្តីជំនាញពាក់ព័ន្ធចុះពិនិត្យផ្លូវ និងស្ពានអូរស្តេចមឹក

ក្នុងឱកាសនោះឯកឧត្តមអភិបាលខេត្ត បានធ្វើការណែនាំឱ្យក្រុមការងារបច្ចេកទេស ត្រូវពន្លឿនការសាងសង់ និងធានាពីគុណភាពក្នុងការប្រើប្រាស់ឱ្យបានយូអង្វែង។ ជាមួយគ្នានេះ ឯកឧត្តមអភិបាលខេត្ត ក៏បានបន្តដំណើរទៅពិនិត្យទីតាំងសិលាបណ្តាសារទី២ ដែលកំពុងធ្វើការកែលម្អសោភ័ណភាព ដាំស្មៅ និងដាំដើមឈើ ដើម្បីលើកសម្រស់ឱ្យកាន់តែមានភាពស្រស់ស្អាត និងបៃតង សម្រាប់ជាការទាក់ទាញបងប្អូនប្រជាពលរដ្ឋ និងភ្ញៀវទេសចរ មកលេងកម្សាន្ត និងស្នាក់នៅខេត្តព្រះសីហនុកាន់តែយូរ៕