ការសំណេះសំណាលជាមួយបងប្អូនប្រជាការពារស្រុកព្រៃនប់របស់ឯកឧត្តម គួច ចំរើន អភិបាល នៃគណ:អភិបាលខេត្តព្រះសីហនុ

លោក សរ កក្កដា អភិបាលស្រុកព្រៃនប់ បានធ្វើរបាយការណ៍អំពីសកម្មភាព និងការងាររបស់បងប្អូនប្រជាការពារស្រុកដែលបានដែល​តែងតែខិតខំបំពេញភារកិច្ចរបស់ខ្លួន​ ដើម្បីបម្រើផលប្រយោជន៍ប្រជាពលរដ្ឋក្នុងមូលដ្ឋាន​របស់ខ្លួន​ និងប្រយោជន៍សាធារណៈ។

ឯកឧត្តម គួច ចំរើន អភិបាលខេត្តព្រះសីហនុ បានមានប្រសាសន៍សំណេះសំណាលជាមួយបងប្អូនប្រជាការពារស្រុកថា ទោះបីជាអំណោយនេះមានចំនួនតិចតួចមិនអាចបំរើសេចក្តីត្រូវការរបស់បងប្អូនបានយូរអង្វែងក៌ពិតមែន ក៌ប៉ុន្តែនេះគឺជាការលើកទឹកចិត្តដល់បងប្អូន ដែលបានខិតខំចូលរួមជាមួយនឹងរដ្ឋបាលស្រុក រដ្ឋបាលខេត្ត ក្នុងការរៀបចំឱ្យមានសោភ័ណភាព និងបរិស្ថានល្អ ព្រោះខេត្តព្រះសីហនុ គឺជាខេត្តគោលដៅពហុបំណង និងមានសក្តានុពលលើវិស័យទេសចរណ៍ជាចម្បង ដែលរាជរដ្ឋាភិបាល ក៌ដូចជាអាជ្ញាធរគ្រប់លំដាប់ថ្នាក់ ក្នុងខេត្តព្រះសីហនុកំពុងយកចិត្តទុកដាក់ ជាពិសេសផ្នែកអនាម័យបរិស្ថាន និងការរៀបចំសណ្ដាប់ធ្នាប់ឱ្យបានល្អ ដើម្បីបំរើដល់វិស័យទេសចរណ៍របស់ខេត្តយើង។

នៅក្នុងនោះផងដែរ ឯកឧត្តមអភិបាលខេត្តក៌បានធ្វើការអំពាវនាវដល់បងប្អូនប្រជាពលរដ្ឋនៅទូទាំងខេត្តព្រះសីហនុចូលរួមថែរក្សានិងការពារទ្រព្យសម្បត្តិរបស់រដ្ឋ ជាសមិទ្ធិផលថ្មីដែលរាជរដ្ឋាភិបាលបានផ្តល់ជូន។

ជាចុងក្រោយ ឯកឧត្តមអភិបាលខេត្តបានអំពាវនាវដល់ប្រជាពលរដ្ឋទាំងអស់ ត្រូវលាងដៃឲ្យបានញឹកញាប់ជាពិសេសត្រូវលាងដៃជាមួយសាប៊ូឬទឹកអាគុលដើម្បីការពារកុំអោយឆ្លងរីករាលដាលនៃជំងឺកូវីដ១៩នេះ។

ជាមួយគ្នានេះឯកឧត្តមអភិបាលខេត្ត ក៏បានផ្សព្វផ្សាយ​ពីការអនុវត្ត​ កម្មវិធី «ឧបត្ថម្ភសាច់ប្រាក់ជូនពលរដ្ឋ ដែលមានជីវភាពក្រីក្រ និងងាយរងគ្រោះក្នុងអំឡុងពេលជំងឺ កូវីដ-១៩» របស់​រាជរដ្ឋាភិបាល​ ក្រោមការដឹកនាំរបស់សម្តេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រី​នៃព្រះរាជាណាចក្រកម្ពុជា​។

អំណោយឧបត្ថមដល់ប្រជាការពារទាំងអស់នូវរួមមាន៖

– អង្ករ២៥គីឡូក្រាម/ ម្នាក់

– ទឹកក្រូច ០២កេស/ ម្នាក់

– ត្រីខ ០១យួរ/ ម្នាក់

– ថវិកា ៥០.០០០រៀល/ ម្នាក់ ។

ក្នុងឱកាសនោះឯកឧត្ដមបានផ្តល់ជូនTablet ដល់មេឃុំទាំង១៥ ក្នុងស្រុកព្រៃនប់ និងបានចែកជូនប័ណ្ណសមធម៌ ដល់មេឃុំទាំងអស់ដើម្បីផ្តល់ជូនបន្តទៅកាន់ប្រជាពលរដ្ឋតាមឃុំរៀងៗខ្លួនផងដែរ។