សមាគមវាយសីខេត្តព្រះសីហនុ រៀបចំការប្រកូតកីឡាវាយសីដណ្តើមពានរង្វាន់ ឯកឧត្តម យន្ត មីន

ខេត្តព្រះសីហនុ៖ សមាគមវាយសីខេត្តព្រះសីហនុ រៀបចំការប្រកូតកីឡាវាយសីដណ្តើមពានរង្វាន់ ឯកឧត្តម យន្ត មីន អភិបាលខេត្តព្រះសីហនុ ដើម្បីអបអរសាទរខួបអនុស្សាវរីយ៍លើកទី៣៩ នៃទិវាជ័យជំនះ៧មករា ១៩៧៩-២០១៨ នៅទីលានប្រកួតសី ក្នុងបរិវេណសាលាខេត្តព្រះសីហនុ។

ឯកឧត្តម យន្ត មីន មានប្រសាសន៍ថា៖”កីឡាពិតជាមានសារៈសំខាន់ណាស់សំរាប់នាំមកនូវសុខភាពមាំមួនសន្តិភាព និង មិត្តភាព។សូមទាំងអស់គ្នាត្រូវចូលរួមលើកស្ទួយវិស័យកីឡាយើងឱ្យកាន់តែមានភាពប្រសើរឡើង និងផុលផុសថែមទៀត។”
ឯកឧត្តម យន្ត មីន ក៏បានអំពាវនាវអោយយើងទាំងអស់គ្នាត្រូវចេះផ្តួចផ្តើមបង្កើតអោយមានកម្មវិធីកីឡាអោយបានច្រើនថែមទៀតនៅខេត្តព្រះសីហនុដើម្បីជាកិត្តិយសខេត្តព្រះសីហនុផងដែរ។

ការថ្លែងបែបនេះត្រូវបានរំលេចឡើងក្នុងឱកាសនៃការការប្រកាសបើកកម្មវិធីកីឡាវាយសីដែលសមាគមកីឡាវាយសីខេត្តព្រះសីហនុ រៀបចំការប្រកួតកីឡាវាយសីដណ្តើមពានរង្វាន់ ឯកឧត្តម យន្ត មីន អភិបាលខេត្តព្រះសីហនុដើម្បីអបអរសាទរខួបអនុស្សាវរីយ៍លើកទី៣៩នៃទិវាជ័យជំនះ៧មករា ១៩៧៩-២០១៨។