សេចក្តីជូនដំណឹង

រដ្ឋបាលខេត្ត សម្រេចដាក់សណ្ឋាគារសម័យថ្មី អន្តរជាតិ មានទីតាំងស្ថិតនៅផ្លូវគុជអាស៊ី ( ផ្លូវលេខ១២៣៧) ភូមិ១ សង្កាត់លេខ៣ ក្រុងព្រះសីហនុ ជាកន្លែងព្យាបាលអ្នកជំងឺកូវីដ-១៩ នៅខេត្តព្រះសីហនុ

សេចក្តីជូនដំណឹងរបស់រដ្ឋបាលខេត្ត ស្តីពីការជំរុញការអប់រំផ្សព្វផ្សាយ ដើម្បីគាំទ្រដល់យុទ្ធនាការចាក់វ៉ាក់សាំងកូវីដ-១៩ នៅគ្រប់ឃុំ សង្កាត់ ទូទាំងខេត្តព្រះសីហនុ

ថ្ងៃទី២៦​ ខែមីនា​ ឆ្នាំ២០២១​ វេលាម៉ោង​ ១៦:៣០នាទីរសៀល​ នៅមន្ទីរពេទ្យបង្អែកខេត្តព្រះសីហនុ​ មានអ្នកជំងឺជាស្ត្រី​ ម្នាក់អាយុ​ ៤៣ឆ្នាំ​ បានស្លាប់បាត់បង់ជីវិត​ ដោយសារស្ហុក(Shock)ភ្លាមៗបណ្តាលមកពីការហូរឈាមក្រពះខ្លាំងផង​ និងហូរឈាមរដូវច្រេីនពេកផង​ មិនមែនដោយសារជំងឺកូវីដ-១៩​ នោះឡេីយ។

ខេត្តព្រះសីហនុ ថ្ងៃទី២៧ ខែមីនា ឆ្នាំ២០២១ យោងលទ្ធផលតេស្តសំណាកកូវីដ-១៩ នៅថ្ងៃទី២៦ ខែមីនា ឆ្នាំ២០២១ មានអ្នកវិជ្ជមានកូវីដ-១៩ ថ្មីចំនួន ១៤៣នាក់ និងមានអ្នកជាសះស្បើយចំនួន ០៦នាក់ ដូច្នេះតុល្យការអ្នកជំងឺកូវីដ-១៩ ដែលកំពុងសម្រាកព្យាបាលមានចំនួន២០៧នាក់ ស្រី១៣៦នាក់។  

ក្រសួងមហាផ្ទៃ សូមជម្រាបជូន ឯកឧត្តម លោកជំទាវ អភិបាលនៃគណៈអភិបាលរាជធានី ខេត្ត និងជាប្រធានគណៈបញ្ជាការឯកភាពរដ្ឋបាលរាជធានី ខេត្ត ស្តីពីការផាកពិន័យអន្ដរការណ៍ លើបុគ្គលដែលមិនអនុវត្តនូវកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្ថិភាពបុគ្គល

គិតត្រឹមម៉ោង០៣និង៣០នាទីរសៀល ថ្ងៃទី២៦ ខែមីនា ឆ្នាំ២០២១នេះ រដ្ឋបាលខេត្តបានចេញសេចក្តីសម្រេច ស្តីពីការបញ្ចប់ជាមណ្ឌលចត្តាឡីស័ក និងដាក់ឱ្យដំណើរការទីតាំងចំនួន០២កន្លែងបន្ថែមទៀត។ ដូច្នេះទីតាំងដែលបានសម្រេចដាក់ឱ្យដំណើរការឡើងវិញសរុបមានចំនួន៤២កន្លែង។

ខេត្តព្រះសីហនុ ថ្ងៃទី២៦ ខែមីនា ឆ្នាំ២០២១ យោងលទ្ធផលតេស្តសំណាកកូវីដ-១៩ នៅថ្ងៃទី២៥ ខែមីនា ឆ្នាំ២០២១ មិនមានអ្នកវិជ្ជមានកូវីដ-១៩ ថ្មីនោះទេ និងមានអ្នកជាសះស្បើយចំនួន ០៨ នាក់ដូច្នេះតុល្យការអ្នកជំងឺកូវីដ-១៩ ដែលកំពុងសម្រាកព្យាបាលមានចំនួន៧០នាក់។

រដ្ឋបាលខេត្តសូមអំពាវនាវដល់ បងប្អូនប្រជាពលរដ្ឋ និសាធារណជនទាំងអស់ ដែលធ្លាប់មានការពាក់ព័ន្ធជាមួយទីតាំងខាងក្រោមតាមពេលវេលាដែលបានបញ្ជាក់ជូននេះ សូមពិនិត្យសុខភាព(អាការៈប្រែប្រួល) ពិនិត្យកម្តៅផ្ទាល់ខ្លួនជាប្រចាំ និងត្រូវសម្រាកនៅផ្ទះដាច់តែឯង ថែរក្សាអនាម័យខ្លួនជានិច្ច ក្នុងករណីមានការសង្ស័យត្រូវទៅយកសំណាកនៅវេទិកា ៧មករា ឬករណីសុខភាពប្រែប្រួលខុស ប្រក្រតីដូចជាឡើងកម្ដៅលើសពី ៣៧អង្សាសេ ក្អកកណ្តាស់ ឈឺបំពង់ក មានកំហាក…។ល។ ត្រូវប្រញាប់ទំនាក់ទំនងទៅក្រុមឆ្លើយតបបន្ទាន់ នៃមន្ទីរសុខាភិបាលខេត្ត ឬមន្ទីរពេទ្យបង្អែកខេត្តតាមរយៈទូរសព្ទ 012 794 896 ឬ 016 526 520។

រដ្ឋបាលខេត្តព្រះសីហនុ ជម្រាបមកឯកឧត្តម លោក លោកស្រីប្រធានមន្ទីរ អង្គភាពជុំវិញខេត្ត លោកអភិបាល នៃគណៈអភិបាលក្រុង ស្រុក ស្តីពីការបញ្ជូនឈ្មោះមន្ត្រីរាជការ មន្រ្តីជាប់កិច្ចសន្យា និងមន្ត្រីអាជ្ញាធរមូលដ្ឋានដែលមិនទាន់បានចុះឈ្មោះដោយស្ម័គ្រចិត្តដើម្បីចាក់វ៉ាក់សាំងការពារជំងឺកូវីដ-១៩

គិតត្រឹមម៉ោង០៩ និង៣០នាទីព្រឹក ថ្ងៃទី២៦ ខែមីនា ឆ្នាំ២០២១នេះ រដ្ឋបាលខេត្តបានចេញសេចក្តីជូនដំណឹង ស្តីពីការផ្អាកជាបណ្តោះអាសន្ន និងដាក់ជាមណ្ឌលចត្តាឡីស័កនូវទីតាំងចំនួន០១ កន្លែងបន្ថែមទៀត ដែលមានការពាក់ព័ន្ធជាមួយអ្នកវិជ្ជមានកូវីដ-១៩។