ព័ត៌មានទូទៅ

ល្ងាចថ្ងៃពុធ ៧រោច ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១២ ខែមេសា ឆ្នាំ២០២៣ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញសម្ពោធដាក់ឱ្យដំណើរការជាផ្លូវការសណ្ឋាគារ ខែមរៈ ក្រុងព្រះសីហនុ ដោយមានចូលរួមពីអភិបាលរងខេត្ត លោកអភិបាលក្រុង ប្រធានមន្ទីរ-អង្គភាព លោកឧកញ៉ា ឬទ្ធី រស្មី ប្រធានក្រុមប្រឹក្សាភិបាលក្រុមហ៊ុន ខែមរៈ និងភ្ញៀវជាតិ អន្តរជាតិជាច្រើនរូប។

សូមជម្រាបជូនសាធារណជន និងបេក្ខជនទាំង២០ក្រុម ដែលបានចូលរួមប្រកួតប្រជែងការផលិតខ្សែវីដេអូខ្លី ក្រោមប្រធានបទ “ឆ្នេរស្អាត បរិស្ថានល្អ ទេសចរណ៍រីករាយ” ដែលត្រូវបានជ្រើសរើសយកមកបង្ហោះជាផ្លូវការ ក្នុងផេកហ្វេសបុករបស់រដ្ឋបាលខេត្តព្រះសីហនុ កាលពីថ្ងៃទី២១ ខែមីនា ឆ្នាំ២០២៣ កន្លងទៅជ្រាបថា ក្រុមការងាររដ្ឋបាលខេត្ត បានធ្វើការបូកសរុបពិន្ទុដែលទទួលបានពីការចុច Like ពីមហាជន ចាប់ពីថ្ងៃទី២១ ខែមីនា ឆ្នាំ២០២៣ និងបិទបញ្ចប់នៅថ្ងៃទី១០ ខែមេសា ឆ្នាំ២០២៣ វេលាម៉ោង៥ និង០០នាទីល្ងាច ដោយទទួលបានលទ្ធផលជាបណ្ដោះអាសន្នរួចរាល់។

ព្រឹកថ្ងៃទី១២ ខែមេសា ឆ្នាំ២០២៣ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញកាត់ខ្សែបូសម្ភោធដាក់ឱ្យដំណើរការជាផ្លូវការសណ្ឋាគារ ខែមរៈ ស្ថិតនៅភូមិ៦ សង្កាត់លេខ៤ ក្រុងព្រះសីហនុ។

ក្រសួងមហាផ្ទៃ៖ ចេញប្រកាសលេខ២២៣៨ ប្រក ចុះថ្ងៃទី០៣ ខែមេសា ឆ្នាំ២០២៣ ស្ដីពីការបង្កើត និងដាក់ឱ្យប្រើប្រាស់និមិត្តសញ្ញារដ្ឋបាលក្រុងកោះរ៉ុង ខេត្តព្រះសីហនុ

ក្រសួងមហាផ្ទៃ៖ ចេញប្រកាសលេខ២២៣៨ ប្រក ចុះថ្ងៃទី០៣ ខែមេសា ឆ្នាំ២០២៣ ស្ដីពីការបង្កើត និងដាក់ឱ្យប្រើប្រាស់និមិត្តសញ្ញារដ្ឋបាលស្រុកស្ទឹងហាវ ខេត្តព្រះសីហនុ

ក្រសួងមហាផ្ទៃ៖ ចេញប្រកាសលេខ២២៤១ ប្រក ចុះថ្ងៃទី០៣ ខែមេសា ឆ្នាំ២០២៣ ស្ដីពីការបង្កើត និងដាក់ឱ្យប្រើប្រាស់និមិត្តសញ្ញារដ្ឋបាលស្រុកកំពង់សីលា ខេត្តព្រះសីហនុ

ក្រសួងមហាផ្ទៃ៖ ចេញប្រកាសលេខ២២៣៩ ប្រក ចុះថ្ងៃទី០៣ ខែមេសា ឆ្នាំ២០២៣ ស្ដីពីការបង្កើត និងដាក់ឱ្យប្រើប្រាស់និមិត្តសញ្ញារដ្ឋបាលស្រុកព្រៃនប់ ខេត្តព្រះសីហនុ

ក្រសួងមហាផ្ទៃ៖ ចេញប្រកាសលេខ២២៤០ ប្រក ចុះថ្ងៃទី០៣ ខែមេសា ឆ្នាំ២០២៣ ស្ដីពីការបង្កើត និងដាក់ឱ្យប្រើប្រាស់និមិត្តសញ្ញារដ្ឋបាលក្រុងព្រះសីហនុ ខេត្តព្រះសីហនុ

រូបទន្សាយឆ្នាំថ្មីរបស់ខេត្តព្រះសីហនុគឺ “សុភាទន្សាយផ្ដល់នូវភាពវ័យឆ្លាត ដើម្បីការរីកចម្រើន” សូមជូនបងប្អូនប្រជាពលរដ្ឋ យកទៅប្រើប្រាស់តាមការគួរតាមរយៈតំណភ្ជាប់៖ https://drive.google.com/…/1XKNW…/view…

ព្រឹកថ្ងៃទី១១ ខែមេសា ឆ្នាំ២០២៣ លោក មីន កុម្ភៈ អភិបាលរងខេត្តព្រះសីហនុ និងលោកជំទាវ ប្រាក់ ចន្ទសុខា សមាជិកក្រុមប្រឹក្សាខេត្តព្រះសីហនុ បានអញ្ជើញកិច្ចប្រជុំត្រួតពិនិត្យការបំពេញពិន្ទុសូចនាករពានរង្វាន់សេវាសង្គម រខ-១ កសខ-១ ឃស-១ និងផ្ទៀងផ្ទាត់ឯកសារគាំទ្រ សម្រាប់ធានាដល់ការធ្វើសុពលភាពទិន្នន័យ ស្របតាមនីតិវិធី និងពេលវេលាកំណត់ ដោយមានការចូលរួមពីគ.ក.ស.ក ខេត្ត នាយក នាយករងរដ្ឋបាលខេត្ត នាយក នាយករង ទីចាត់ការចំណុះរដ្ឋបាលខេត្ត គ.ក.ស.ក ក្រុង ស្រុក ស្មៀនឃុំសង្កាត់ និងអង្គភាពពាក់ព័ន្ធ។