ព័ត៌មានទូទៅ

ព្រឹកថ្ងៃទី១២ ខែតុលា ឆ្នាំ២០២៤ ព្រឹត្តិការណ៍រត់ភ្លើងគប់ដើម្បីអបអរសាទរការប្រកួតកីឡាជាតិលើកទី៤ និងកីឡាជាតិជនពិការលើកទី២ ឆ្នាំ២០២៤ ខេត្តព្រះសីហនុ ក្រោមអធិបតីភាព ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំយុវជន និងកីឡា និងជាអគ្គលេខាធិការ នៃគណៈកម្មាធិការជាតិអូរឡាំពិកកម្ពុជា ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ ដោយ

ក្រុមហ៊ុនDaehanកូរ៉េ មានគម្រោងបង្កើតរោងចក្រកែឆ្នៃសំណល់ផ្លាស្ទិក ទៅជាប្រេងឥន្ទនៈអាចប្រើប្រាស់បាន ព្រឹកថ្ងៃទី១០ ខែតុលា ឆ្នាំ២០២៤ លោក ឡុង ឌីម៉ង់ អភិបាលរងខេត្តព្រះសីហនុ ទទួលជំនួបសម្តែងការគួរសមជាមួយលោក Kim Jung Hwan នាយកប្រតិបត្តិក្រុមហ៊ុន DAEHAN Corporation ប្រទេសកូរ៉េ ដែលមានបំណងមកកែឆ្នៃសំណល់ប្លាស្ទិក ទៅជាឥន្ធនៈ នៅទីលានចាក់សំរាមស្រុកព្រៃនប់។ សូមជម្រាបថា បច្ចុប្បន្ន ទីលានចាក់សំរាមអូរតាសេក ស្រុកព្រៃនប់ ទទួលសំរាមប្រមាណជា ៦០០-៧០០តោន/ថ្ងៃ។

នៅរសៀលថ្ងៃទី១០ ខែតុលា ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្ត បានដឹកនាំកិច្ចប្រជុំពិភាក្សាស្តីពីការស្នើសុំកាំមេរ៉ាសុវត្ថិភាព (AI) ចំនួន១០០ទីតាំងតាមបណ្តោយផ្លូវក្នុងខេត្ត និងបញ្ហាប្រឈមផ្សេងៗ ដោយមានការចូលរួមពីលោកនាយក នាយករងរដ្ឋបាលខេត្ត ស្នងការដ្ឋាននគរបាលខេត្ត ប្រធានមន្ទីរអង្គភាពពាក់ព័ន្ធ ក្រុមហ៊ុន អិម ធីម៉ាយអាយ និងសាខាទូរគមនាគមន៍ប្រចាំខេត្ត។

នាថ្ងៃទី០៩​ ខែតុលា ឆ្នាំ២០២៤ ​លោក ឡុង ឌីម៉ង់ អភិបាលរង នៃគណៈអភិបាលខេត្តព្រះសីហនុ និងជាអនុប្រធានអនុគណៈកម្មការវិនិយោគខេត្តព្រះសីហនុ បានអញ្ជើញជាតំណាងរដ្ឋបាលខេត្ត ចូលរួមកិច្ចប្រជុំ​ច្រកចេញ-ចូលតែមួយ ដើម្បីពិនិត្យពិភាក្សាលើសំណើសុំវិនិយោគរបស់បណ្តាក្រុមហ៊ុនមួយចំនួន ក្រោមអធិបតីភាព ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា(ក.អ.ក) ដោយមាន

ព្រឹកថ្ងៃទី១០ ខែតុលា ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងលោកជំទាវ អញ្ជើញសំណេះសំណាល និងនាំយកអំណោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិតផ្តល់ជូនអង្គការម្លប់តាប៉ាង និងពិសារអាហារសាមគ្គីជាមួយកុមារ លោកគ្រូ អ្នកគ្រូ និងបុគ្គលិកអង្គការម្លប់តាប៉ាង។ លោកស្រី រ័ត្ន ច័ន្ទផល្គុណ នាយិការអង្កការម្លប់តាប៉ាង បានធ្វើរបាយការស្តីពីសកម្មភាពការងាររបស់់អង្គការធ្វើការងារជាមួយអ្នកទទួលផលដែលជាកុមារ

នៅព្រឹកថ្ងៃទី១០ ខែតុលា ឆ្នាំ២០២៤ លោក សាមុត សុធារិទ្ធ អភិបាលរងខេត្តព្រះសីហនុ បានដឹកនាំកិច្ចប្រជុំផ្សព្វផ្សាយ និងណែនាំអំពីតម្រាយផ្លូវរត់ក្នុងពិធីរត់ភ្លើងគប់ការប្រកួតកីឡាជាតិ លើកទី៤ និងកីឡាជាតិជនពិការលើកទី២ ឆ្នាំ២០២៤ ក្នុងខេត្តព្រះសីហនុ ចម្ងាយ ៥.៥០០ម៉ែត្រ ពីរង្វង់មូលព្រះស្កន្ធទ្រង់ក្ងោក ទៅកាន់វេទិកា ៧មករា (វិមានឯករាជ្យ)។

ផ្ទាំងទស្សនីយភាពនៃការសម្តែងរបាំបួងសួង រូបសំណាកនាគ របាំជូនពរ របាំគោះត្រឡោត របាំសុវណ្ណទេពមច្ឆា និងការដើរបង្ហាញម៉ូត៧ពណ៌ បានប្រារព្ធធ្វើឡើងនៅរង្វង់មូលព្រះថោងនាងនាគ ស្ថិតនៅក្នុងឃុំបិតត្រាំង ស្រុកព្រៃនប់ នៅក្នុងកំឡុងពេលពិធីបុណ្យភ្ជុំបិណ្ឌ ប្រពៃណីជាតិខ្មែរ នាពេលកន្លងមក ជូនទេសចរភ្ញៀវជាតិ និងអន្តរជាតិ ដែលមកកម្សាន្តនៅខេត្តព្រះសីហនុ។

យប់ថ្ងៃទី៨ ខែតុលា ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ អញ្ជើញទៅសំណេះសំណាលជាមួយក្មួយបេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៣-២០២៤ នៅផ្ទះសំណាក់កាកបាទក្រហម និងផ្ទះសំណាក់គ្រូបង្រៀនស្ថិតនៅសង្កាត់លេខ៣ ក្រុងព្រះសីហនុ ខេត្តព្រះសីហនុ។

នៅរសៀលថ្ងៃទី៨ ខែតុលា ឆ្នាំ២០២៤ ឯកឧត្តម សុខ គាង រដ្ឋលេខាធិការក្រសួងដែនដីនគរូបនីយកម្ម និងសំណង់ និងឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញបិទសន្និបាតបូកសរុបការងារឆ្នាំ២០២៤ និងលើកទិសដៅការងារបន្តឆ្នាំ២០២៥ របស់មន្ទីររៀបចំដែនដីនគរូបនីយកម្ម និងសំណង់ខេត្តព្រះសីហនុ ដោយមានការចូលរួមពីលោកអភិបាលរងខេត្ត អភិបាលក្រុង ស្រុក ប្រធានមន្ទីរ អង្គភាពពាក់ព័ន្ធ មេឃុំ ចៅសង្កាត់ទាំង២៩ ក្នុងខេត្តព្រះសីហនុ។

នៅព្រឹកថ្ងៃទី៨ ខែតុលា ឆ្នាំ២០២៤ ឯកឧត្តម សុខ គាង រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងឯកឧត្តម កែវ ឡាយ សមាជិកក្រុមប្រឹក្សាខេត្ត អញ្ជើញបើកវិញ្ញាសាប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៣-២០២៤ នៅវិទ្យាល័យចំណេះដឹងទូទៅ និងបច្ចេកវិទ្យាក្រុងព្រះសីហនុ។